SON DƏQİQƏ

“Ermənistan beynəlxalq səviyyədə üzərinə götürdüyü öhdəliklərə və dövlətlərarası qaydalara etinazsızlıq göstərir”.

Emtv.az xəbər verir ki, bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyasının fəaliyyətinin 25 illiyinə həsr olunmuş iclasda Milli Məclisin sədr müavini, Dövlət Komissiyasının üzvü Bahar Muradova deyib.

B.Muradova bildirib ki, törədilən cinayətlər insanlıq, bəşəriyyət əleyhinədir:

“Ermənistanın törətdikləri təkcə azərbaycanlılara qarşı deyil, bütövlükdə bəşəriyyətə qarşı cinayətdir. Azərbaycan Ermənistanın təcavüzkar, vandal üzünü ardıcıl, məqsədyönlü şəkildə dünya ictimaiyyətinə çatdırır. Bu isə beynəlxalq təşkilatları ciddi narahat etmir. Hər halda biz bunun şahidiyik”.

Sədr müavini vurğulayıb ki, insanlıq əleyhinə törədilən cinayətlərin qarşısının alınması, bu cinayətləri törədənlərin cəzalandırılması Azərbaycan dövlətinin üzərinə götürdüyü öhdəlikdir: “Dövlət Komissiyasının son 25 ildə gördüyü işlər bu kontekstdə dəyərləndirilməlidir”.

Aysu Əlimova
Emtv.az

Paylaş:
avropa.info