SON DƏQİQƏ

Belarusun “Belkommunmaş” şirkəti Azərbaycana elektrik avtobusları tədarük edib.

Emtv.az xəbər verir ki, bunu “Belkommunmaş” ASC-nin Xarici iqtisadi fəaliyyət idarəsinin müdiri Aleksandr Klakeviç deyib.

Onun sözlərinə görə, müəssisə hələlik Azərbaycana dörd ədəd elektrobus tədarük edib:

“Şirkət getdikcə ixrac potensialını inkişaf etdirir”.

Qeyd edək ki, daha əvvəl şirkətdən verilən məlumata görə, E321 model elektrobuslar Gəncəyə çatdırılacaq və onlar xüsusi təşkil edilmiş marşrutda sınaqdan keçiriləcək.

Gələcəkdə Gəncə Avtomobil Zavodunda elektrobusların birgə yığımının qurulması planlaşdırılır. Müvafiq saziş bu ilin əvvəlində Gəncə Avtomobil Zavodu və Belarusun “Belkommunmaş” şirkəti arasında imzalanıb.

Aynurə Kərimova,
Emtv.az.