SON DƏQİQƏ

Emtv.az yerli mətbuata istinadən xəbər verir ki, Yasamal rayon İcra Hakimiyyətinin yeni başçısı deyəsən, ilk günlərindən narazılıq yaratmaqla məşğuldur. Hər halda mətbuata daxil olan şikayətlərin mahiyyətindən belə anlaşılır. Belə ki, bir qrup sahibkarlardan icra başçısının adından qanunsuz olaraq pul yığılır.

Narazı sahibkarlar yazırlar: “Əziz Əzizovun adamları bizi hədələyirlər ki, obyektlərimizi plana salacaqlar. Yeni Yasamaldakı əsas yollardan biri yenidən çəkilir və yol ətrafındakı obyekt sahiblərinin hamısından pul yığılır. Pul verməyənlər isə hədələnir. Əziz Əzizov bununla nəyə nail olmaz istəyir? Onsuz da insanlar güc-bəla ilə dolanırlar. İndi də obyektlərimiz bağlansa, bu, neçə yeni işsiz – yaranacaq səfil ordusu deməkdir”.

Sahibkarlar bildirir ki, bununla bağlı Prezident Administrasiyasına da şikayət etməyə hazırlaşırlar: “Başqa yolumu yoxdur. Ümidimiz cənab Prezidentdir. Əziz Əzizova qalsa, biz acından ölməliyik”.

Emtv.az