17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
15:05 - QHT Qubada tədbir keçirdi
Naxçıvanda miqrasiya və sərhəd idarəçiliyi mövzusunda seminar keçirilib
Avropa İttifaqının ölkəmizdəki nümayəndəliyi və Beynəlxalq Miqrasiya Təşkilatı (BMqT) tərəfindən Naxçıvan şəhərində “Azərbaycanda miqrasiya və sərhəd idarəçiliyi üzrə potensialların gücləndirilməsi” layihəsi çərçivəsində seminar keçirilib.
Emtv.az xəbər verir ki, tənzimlənməyən miqrasiya ilə mübarizəyə dair təcrübələrin bölüşülməsinə həsr olunan seminarda Naxçıvan Muxtar Respublikası Dövlət Miqrasiya Xidmətinin rəisi Şahin Nəbiyev çıxış edərək tədbirin əhəmiyyətindən danışıb, miqrasiya prosesinin tənzimlənməsində beynəlxalq əməkdaşlığın vacibliyini qeyd edib.
BMqT-nin Azərbaycandakı nümayəndəliyinin rəhbəri Serhan Aktoprak, Avropa İttifaqının ölkəmizdəki nümayəndəliyinin rəhbəri Kestutis Yankauskas çıxışlarında bildiriblər ki, bu layihə tərəfdaşlarla birgə həyata keçirilir və məqsəd sərhəd idarəçiliyinin gücləndirilməsindən ibarətdir. Qeyd olunub ki, layihə çərçivəsində yeni viza rejiminin və readmissiya proseslərinin idarə edilməsi üçün səmərəli mexanizmlərin yaradılması və inkişaf etdirilməsi istiqamətində kömək göstərilməsi, səmərəli miqrasiya idarəçiliyi üçün qanunvericilik bazasını və institusional potensialların gücləndirilməsi, o cümlədən müvafiq təşkilatlar tərəfindən göstərilən xidmətlərin keyfiyyəti və səmərəliliyinin, həmçinin idarələrarası əməkdaşlığın səviyyəsinin artırılması qarşıya hədəf kimi qoyulub. Bundan başqa, layihənin məqsədləri sırasında texniki təkmilləşdirmə və avadanlıqların müasirləşdirilməsi vasitəsilə sərhəd nəzarəti və yoxlamaları prosedurlarının keyfiyyətini artırmaqla inteqrasiya edilmiş sərhəd idarəçiliyi üçün milli potensialları gücləndirmək də var.
Sonra BMqT-nin Qlobal Miqrasiya Data Analizi Mərkəzinin nümayəndələri Julia Black və Thomas Mertzin, qurumun Vyanadakı regional ofisinin əməkdaşı İvona Todorovskanın təqdimatları olub. Təqdimatlarda təhlükəsiz, qaydalı və tənzimlənən miqrasiya, tənzimlənməyən miqrasiyanın çoxsaylı istiqamətləri, belə miqrasiyaya dair məlumatların toplanması ilə bağlı çətinliklər barədə söhbət açılıb, izahlar verilib.
Daha sonra “Təhlükəsizliyin və insan hüquqlarının tarazlaşdırılması: tənzimlənməyən miqrasiyaya dair siyasəti formalaşdıran zaman hüquqlara əsaslanan yanaşma” mövzusunu əhatə edən təqdimatlar keçirilib. Fransanın Gürcüstandakı səfirliyinin nümayəndəsi Bruno Balduc “Fransada tənzimlənməyən miqrasiya siyasəti”, Rumıniya Daxili İşlər Nazirliyinin nümayəndəsi Andreea-Adela Vulcanescu “Rumıniyada tənzimlənməyən miqrasiya siyasəti”, Böyük Britaniyanın sərhəd qüvvələrinin nümayəndəsi Amanda Read “Birləşmiş Krallığın sərhəd qüvvələrinin müasir köləliyə qarşı cavab və müdafiə tədbirləri” mövzularında çıxış ediblər.
İkigünlük seminar “Miqrant qaçaqçılığı və insan alverinə qarşı mübarizə”, “Həssaslığın müəyyən edilməsi və qiymətləndirilməsi” mövzuları üzrə təqdimatlarla yekunlaşıb. Təqdimatlarda miqrasiya prosesində hüquqi, siyasi və inzibati tədbirlərdən danışılıb, regionda transmilli cinayətkarlığa qarşı əməkdaşlıq mexanizmlərinin gücləndirilməsi ilə bağlı müzakirələr aparılıb.
Emtv.az