SON DƏQİQƏ

Son dövrlərdə muxtar respublikada həm qoruyucu peyvəndlərin aparılması, həm də digər tədbirlər sayəsində epidemiloji sabitlik təmin olunub.

Emtv.az azərtac-a istinadən xəbər verir ki, Naxçıvan Şəhər İcra Hakimiyyətinin təşkilatçılığı ilə növbəti dəfə dezinfeksiya işləri aparılıb.

Su hövzələrinin, məişət tullantıları atılan yeşiklərin ətraflarında, binaların girəcəklərində və zirzəmilərində, ət satılan yerlərdə dezinfeksiya işləri görülüb. 2-3 və 5 nömrəli mənzil istismar idarələrinin ərazilərində, Naxçıvan Şəhər Su Anbarı və Su Təmizləyici Qurğular Kompeksinin ərazisində dezinfeksiya işləri həyata keçirilib. Bununla yanaşı su mənbələrindən analiz üçün nümunələr də götürülüb.

Muxtar respublikada mövsümi xəstəliklərin və zəhərlənmələrin qarşısını almaq məqsədilə, su təchizatı sistemlərində, ictimai binalarda, tullantı və çirkab suları axıdılan yerlərdə müntəzəm olaraq dezinfeksiya və dezinseksiya tədbirləri həyata keçirilir.

Qeyd edək ki, cari ilin 6 ayı ərzində Naxçıvan şəhərində 117 obyektdə dezinfeksiya işləri aparılıb və işlər davam etdirilir.

Emtv.az