SON DƏQİQƏ

Naxçıvan Muxtar Respublikası Dövlət Miqrasiya Xidmətində “Naxçıvan Muxtar Respublikasının dini turizm potensialı” mövzusunda maarifləndirici tədbir keçirilib.

Emtv.az azərtac-a istinadən xəbər verir ki, tədbirdə xidmətinin əməkdaşı Samir Abbasov son illərdə muxtar respublikada infrastruktur quruculuğu, əhalinin məşğulluğu, sahibkarlığa, turizm potensialının artırılmasına göstərilən dövlət dəstəyindən, Naxçıvanın turizm potensialından, miqrantların Naxçıvana marağının artmasından danışıb. Bunun əsas səbəblərindən biri kimi diyarımızda yaradılan sabitliyi, əmin-amanlığı önə çəkib.

Naxçıvan Muxtar Respublikası Mədəniyyət və Turizm Nazirliyinin şöbə müdiri Əkbər Novruzov muxtar respublikada olan dini-mədəni abidələr barədə məlumat verib. Naxçıvan şəhərinin 2018-ci il üçün İslam mədəniyyətinin paytaxtı elan olunması burada milli və mənəvi dəyərlərə verilən önəmin ifadəsidir. Muxtar respublikamız ziyarətgahlarla da zəngindir. Dini obyektlərdən ən mühümü müqəddəs “QuraniKərim”də haqqında bəhs edilən Əshabi-Kəhf ziyarətgahıdır. Burada ziyarətçilər üçün hər cür şərait yaradılıb.

Tədbirdə Naxçıvan Muxtar Respublikasının dini turizm potensialı haqqında videoçarx nümayiş etdirilib, iştirakçıları maraqlandıran suallar cavablandırılıb.

Tədbir miqrantların “Əshabi-Kəhf” Dini-Mədəni Abidə Kompleksinə ziyarətləri ilə davan etdirilib.

Emtv.az