17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
15:05 - QHT Qubada tədbir keçirdi
“Beynəlxalq Bankdan əmanətlərin çıxarılmasına məhdudiyyət yoxdur” – Nazir müavini
“Əhalinin əmanətlərini Azərbaycan Beynəlxalq Bankdan götürməsi üçün heç bir əsas və həyəcan yoxdur”.
Bunu Milli Məclisin İqtisadi siyasət, sənaye və sahibkarlıq komitəsinin iclasında “2016-cı il üçün dövlət büdcəsinin icrası haqqında” qanun layihəsi və dövlət büdcəsinin icrasına dair illik hesabatın müzakirəsi zamanı maliyyə nazirinin müavini, Azərbaycan Beynəlxalq Bankının Müşahidə Şurasının sədri Azər Bayramov deyib.
Onun sözlərinə görə, Azərbaycan Beynəlxalq Bankının rəhbərliyi tərəfindən ictimaiyyətə kifayət qədər açıqlama və izahat verilib.
“Hesab edirəm ki, əlavə izahata ehtiyac varsa, bu istiqamətdə də işlərini gücləndirərlər. Əhalinin əmanətləri ilə bağlı heç bir problem yoxdur. Bilirsiniz ki, ötən il əmanətlərin sığortalanması ilə əlaqədar bütün məhdudiyyətlər aradan qaldırılıb. Həcmindən asılı olmayaraq bütün əmanətlər dövlət tərəfindən qorunur. Biz Azərbaycan Beynəlxalq Bankının rəhbərliyi ilə mütəmadi olaraq əlaqə saxlayırıq. Kimlər tərəfindən müraciət olunursa, həmin şəxslərin öz əmanətlərini geri götürməsində heç bir problem yoxdur.
Ümumilikdə isə əmanətlərin götürülməsi üçün heç bir əsas və həyəcan yoxdur. İndi sırf xaricdən cəlb edilmiş kreditlərlə əlaqədar restruktruzasiya ilə bağlı xarici investorlarla müzakirə gedir. Ölkədaxili borclar, o cümlədən əhalinin əmanətləri ilə bağlı proseslər öz qaydasında davam edir və bu istiqamətdə heç bir problem yoxdur. Bankın rəhbərliyinə də tövsiyə olunur ki, bu istiqamətdə təbliğat işini daha da genişləndirsinlər”, – deyə A. Bayramov vurğulayıb.
Emtv.az