SON DƏQİQƏ

Maliyyə naziri Samir Şərifov Beynəlxalq Bank ətrafında yaranmış vəziyyətlə bağlı növbəti həftə Böyük Britaniyaya səfər edəcək.
Bu barədə mətbuata məlumat verən mənbə bildirib ki, mayın 23-də reallaşacaq səfərdə maliyə naziri Samir Şərifov Londonda beynəlxalq investorlarla görüşəcək.

Beynəlxalq investorlarla görüşdə maliyyə naziri Beynəlxalq Bankın üzləşdiyi durum, vəziyyətdən çıxış yolları, xarici borcların qaytarılması və bunun hansı şərtlər daxilində ödənilməsi, restruktruzasiyası və növbəti mərhələdə özəlləşməyə çıxarılması məsələləri müzakirə olunacaq.

Qubad İbadoğlu bildirib ki, maliyyə nazirinin Londona səfərindən xəbərsizdir.

“Onun kimlə görüşəcəyi, hansı məsələləri müzakirə edəcəyindən məlumatsızam. Ancaq onu deyə bilərəm ki, Beynəlxalq Bank ətrafında yaranan məsələ Azərbaycan səviyyəsindən çıxaraq qloballaşıb. Ona görə də Beynəlxalq Bank ətrafında yaranan məsələlərin təbii ki, beynəlxalq investorlarla müzakirəsi zəruridir. Beynəlxalq Bankın səhm paketi Maliyyə Nazirliyində olduğundan, nazir bu proseslərdən kənarda qala bilməz. Ona görə də belə görüşlərin keçirilməsi vacibidr. Çünki bankın yetərincə xarici borcu var. Düzdür, borcun qaytarılması məsuliyyətini dövlət öz üzərinə götürüb. Ancaq yenə də beynəlxalq investorlarla görüşüb məsələni aydınlaşdırmağa ehtiyac var”- deyə, ekspert bildirib.

Emtv.az