SON DƏQİQƏ

2017-ci ilin yanvarın 1-dən Monqolustanda gecə saatlarında elektrik enerjisi əhaliyə pulsuz veriləcək

Məlumata görə, bu qərar Azərbaycanda işığın tariflərinin bahalaşması ilə eyni vaxta təsadüf edir.

Monqol hökuməti axşam işığı xalqa pulsuz paylayır, “Azərişıq” ASC ilə Tarif Şurası ilə əlbir olub qiymətləri qaldırır. Üstəlik, yeni tariflərdən sonra büdcəyə pul daxil olacağı bildirilir.

Doğrudur, prezident kilovatın limitini qaldırdı, amma gözlənti ondan ibarətdir ki, Şuranın qərarı ləğv olunsun. Çünki yanvardan əhalinin sosial vəziyyəti daha da pisləşə bilər. Yaxşı olardı ki, əhaliyə güzəştlər artırılsın.

Amma “Azərişıq” ASC Baba Rzayev Monqolustan nümunəsindən agah olsa da, susur. Baş işıq təsərrüfatçısı indiyə qədər qiymətlərin qaldırılması üçün Tarif Şurasına niyə müraciət etdiyinin səbəblərini açıqlamayıb. Rzayev medianın qarşısına çıxaraq brifinq keçirməyib, səbəblərdən danışmayıb. Emtm.az politika.az-a istinadən verdiyi məlumata görə, Baba Rzayevin işığın tariflərinin qaldırmasından mənfəət götürəcəyi sirr deyil. Çünki elektrik məhsullarının satışından tutmuş, elektrik təchizatı ilə bağlı dövlət sifarişlərinin icrasına qədər olan bir çox sahələr nəzarət etdiyi bildirilir.

Bu sahələrdə monopoliyanı bir neçə ildir ki, əlində saxlayan Baba Rzayev həm də rəsmən səhmdardır. “Santral Elektrik” LTD şirkətinin səhmlərinin rəsmi sənədlərə görə, 70 faizi Baba Rzayevə, 30 faizi onun ailə üzvlərinə məxsusdur.

“Santral Elektrik” LTD Ədliyyə Nazirliyində 2003-cü ildə qeydiyyata alınıb. O vaxt şirkətə Emin Rzayev - Baba Rzayevin qardaşı rəhbərlik edirdi. Əvvəllər “Bakelektro” ASC-nin icraçı direktoru olan Baba Rzayev yeni vəzifəsinə təyinatdan snra bu şirkətdəki vəzifəsini qardaşı Emin Rzayevə transfer edib.

Məhz bu şirkət dünyaca məşhur şirkətlərin Azərbaycandakı rəsmi distrübütorudur. Söhbət “Legrand” (Fransa), “Pirelly” “GEWISS”, “KEMMR.I” (Finlandiya), “Vortice” (İtaliya), “Stanley” (ABŞ), Philips, Osram “Dewallt”, “Massive” kimi şirkətlərdən gedir.
Emtv.az