SON DƏQİQƏ

1 İyun Uşaqların Beynəlxalq Müdafiəsi Gününə həsr olunmuş tədbir kecirilmişdir



İyun ayının 1-də Xırdalan şəhər 10 saylı tam orta məktəbinin həmkarlar təşkilatının sədri, ibtidai siniflər üzrə metodbirləşmə rəhbəri Sevinc xanım Lətifovanın təşkilatcılığı ilə, Uşaqların Beynəlxalq Müdafiəsi Günü münasibəti ilə tədbir kecirilmişdir.

Emtv.az xəbər verir ki, “Azərbaycanın Səsi” İctimayi Birliyinin sədri, yazıçı-publisist, xeyriyyəçi, məşhədi Faiq Əhmədov da təşkilatçıların dəvətilə tədbirə qatılmışdır.

Tədbiri giriş sözü ilə açan Sevinc muəllimə qonaqları salamlayaraq, şagirdlərinə öz ürək sözlərini bildirmişdir.

Sonra çıxış üçün söz “Azərbaycanın Səsi” İctimayi Birliyinin sədri Faiq Əhmədova verilmişdir.

Faiq muəllim ilk öncə 1 İyun Uşaqların Beynəlxalq Müdafiəsi Günü ilə əlaqədar uşaqları və şagirdləri təbrik etmişdir.

Daha sonra o, tədbir iştirakçılarına bu günün təsis olunması tarixindən məlumat vermişdir.

Faiq muəllim bildirmişdir ki, 1949-cu ilin noyabr ayında keçirilmiş “Qadınların Beynəlxalq Demokratik Federasiyası”nın Konqresində uşaq hüquqlarının təmin edilməsi ilə bağlı təkliflər səslənib və elə həmin tədbirdə də Uşaqların Beynəlxalq Müdafiəsi Gününü təsis etmək qərarı verilib. 1950-ci il iyun ayının 1-i BMT Baş Assambleyasının qərarı ilə ilk dəfə Uşaqların Beynəlxalq Müdafiəsi Günü kimi qeyd olunub.

Dünyanın əksər ölkələrində olduğu kimi, bu gün Azərbaycanda da qeyd edilir. Ölkəmizdə uşaq hüquqlarının qorunmasına böyük önəm verildiyini vurğulayan Faiq Əhmədov öz çıxışında xatırladıb ki, ölkə Prezidenti cənab İlham Əliyev Azərbaycan Respublikasında uşaqlara dövlət qayğısının gücləndirilməsi, uşaq problemlərinə vətəndaş cəmiyyəti qurumlarının diqqətinin artırılması və ölkənin uşaqlarla bağlı demoqrafik perspektivlərinin müəyyənləşdirilməsi məqsədi ilə 22 dekabr 2008-ci il tarixli sərəncam imzalamışdır. Həmin Sərəncama görə 2009-cu il ölkəmizdə “Uşaq ili” elan olunmuşdur.

Daha sonra Sevinc muəllimə Faiq Əhmədovun sozlərinin davamı olaraq bildirmişdir ki, ölkəmizdə uşaq hüquqlarının təmin olunması onların istedadının üzə çıxarılması istiqamətində silsilə tədbirlərin keçirilməsinə hər zaman təkan verilir.

Məhz Heydər Əliyev Fondunun təşəbbüsü ilə qaçqın və məcburi köçkün ailələrindən olan, eləcə də imkansız uşaqlara xüsusi diqqət ayrılır.

Əlilliyi olan uşaqların cəmiyyətə qatılması və inteqrasiya olunması istiqamətində tədbirlər həyata keçirilir.

Daha sonra tədbirə qatılanıar Xırdalan şəhər 10 saylı tam orta məkətbinin balaca fidanları və şagirdləri tərəfindən hazırlanmış şeir parçalarını dinlədilər, rəqslərə və kiçik, maraqlı səhnəciklərə tamaşa etdilər.

Tədbirin sonunda Sevinc müəllimə və Faiq Əhmədov uşaqlarla xatirə şəkilləri çəkdirdilər.

"Azərbaycanın Səsi" İctimai Birliyinin "İctimaiətlə Əlaqələr Şöbə"sinin müdiri
Nəzrin Abbaszadə.
Foto:Seymur Rəhimov
Emtv.az