SON DƏQİQƏ

22:44 - Regionlarda həyata keçirilən "Azərbaycanda həssas əhali qruplarına ünvanlanmış sosial-humanitar siyasətin təbliği" layihəsinin növbəti İctimai Müzakirəsi Xaçmazda keçirildi-Fotolar

17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar

17:55 - “Miqrasiya Prosesləri” İctimai birliyi Almaniyanın Hamburq şəhərində yaşayan Azərbaycanlılar icmaları ilə görüşü baş tutub

20:20 - Regionlarda Növbəti İctimai-Sosial Müzakirələr Başladı –Fotolar

19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar

20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR

19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR

15:54 - Azərbaycan Qeyri-Hökumət Təşkilatları Bəyanat Verdi: Azərbaycanın İrandakı Səfirliyinə Olunan Terror Hadisəsinə Qiymət Verilməsini Tələb Edirik

16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə

19:29 - YYSİB “Biznes-motivasiya: gənclər üçün innovativ-kreativ peşə və ixtisasların təbliği” layihəsinu uğurla reallaşdırır

21:02 - Təşkilat sədri Faiq Əhmədov Dünya Azərbaycanlılarına, Şəhidlərimizin Ailə Üzvlərinə və Qazilərimizə Təbrik Məktubu Ünvanlayıb-FOTOLAR

20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!

22:18 - Faiq ƏHMƏDOV: Tələblərimiz yerinə yetirilməyənə qədər mütəmadi olaraq aksiyalarımızı davam etdirəcəyik-VİDEO-FOTOLAR

00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar

19:29 - Xaçmazda tədbir

emtv.az
 Valyuta məzənnəsi

Bakıda lyuk olayı: “Formula”da dəfələrlə yaşanmış hadisə

27-04-2019, 09:55 | Oxunub: 13 000 |

Bakıda lyuk olayı: “Formula”da dəfələrlə yaşanmış hadisə

Beynəlxalq "Formula-1" avtoçempionatının Bakı Qran-Prisinin ilk günündə az olay yaşanmadı. Onların arasında ən çox müzakirə olunanı "Williams" komandasının pilotu Corc Rasselin ilkin təsnifat praktikası yürüşü zamanı qəzaya uğramasıdır.

Yoldakı kanalizasiya lyukunun qalxması nəticəsində Rasselin bolidi sıradan çıxıb.

Bakıda lyuk olayı: “Formula”da dəfələrlə yaşanmış hadisə

Qəzadan sonra trasdakı 320 kanalizasiya lyuklarının hamısının vəziyyətinin yoxlanmasına başlanıb və bu səbəbdən təsnifat yürüşünün növbəti mərhələsinin keçirilməsi təxirə salınıb.

Marşallar lyukları yoxlayıblar.

Bakıda lyuk olayı: “Formula”da dəfələrlə yaşanmış hadisə

Hadisə sosial şəbəkələrdə ajiotaja səbəb olub. Həmişə olduğu kimi incə yumorla yanaşı, absurd paylaşımlar və ən pisi, sanki marığa yataraq "Formula-1" yarışında insident gözləyənlərin mazoxist sevincləri gözə dəyib.

"Gördünüz, biz demişdik - pis oldu", "Ahımız tutdu" kimi sarsaq paylaşımlar, rəylər, açıqlamaların şahidi olduq.

Bədxahlıqla belə yazanların məqsədi bəlli. Onlar var qüvvələri ilə cəmiyyətdə rəy yaratmağa çalışırlar ki, "Formula-1" yarışlarının Bakı mərhələsində C.Rasselin məruz qaldığı "kanalizasiya lyuku hadisəsi" yarışın pis təşkilatçılığı, yolların ürəkaçan vəziyyətdə olmaması ilə bağlıdır.

Həmişə olduğu kimi, qarayaxma kampaniyasının təşkilatçıları məntiq və reallıqdan çox uzaqdır.

Nə baş verib?

Bakıda lyuk olayı: “Formula”da dəfələrlə yaşanmış hadisə


"Formula-1" yarışlarında trasa çıxarılan bolidlər çox yüksək sürətlə hərəkət etdiyindən onların altında böyük hava təzyiqi yaranır. O təzyiq də yarışın keçirildiyi trasdakı drenaj sistemlərinin lyüklarını yerindən qoparmağa yetərlidir. Çünki kanalizasiya lyukunu hava axını yuxarı dartır.

Məhz bu səbəbdən həm şəhər, həm də stansionar treklərdə bolidlərin keçəcəyi təhlükəli sahələrdə kanalizasiya lyukları diqqətlə yoxlanır. Lyuklar həlqəyə qaynaqlanır, yaxud da boltlarla bağlanır. Bakıda da belə olub.

Bakıda lyuk olayı: “Formula”da dəfələrlə yaşanmış hadisə
Fəqət, kanalizasiya lyukları yenə qopur.

Bakıda Corc Rasselin də sessiya başlanandan 13 dəqiqə sonra kanalizasiya lyukunun qalxması səbəbindən qəzaya uğramasının səbəbi budur.

Ən başlıcası isə budur ki, Bakıdakı insident "Formula-1" yarışlarında kanalizasiya lyuku ilə bağlı ilk olay deyil.

Monako Qran-Prisi, 2016-cı il

İngilis çempion Censon Batton üç il əvvəlki yarışı çətin ki, unuda. Monako Qran-Prisində əsas yarışdan əvvəlki təsnifat praktikasında o, gümüşü "Mercedes"in arxasınca rahatlıqla hərəkət edirdi.

Qəflətən Battonun bolidi güclü zərbə aldı, ön antiqanad darmadağın oldu. Detallar hər tərəfə səpələndi.

Səbəb kanalizasiya lyuku idi. Niko Rosberq bir qədər əvvəl keçərək çuqun lyukun qalxmasına səbəb olmuşdu. Censon Battonun isə, sadəcə, bəxti gətirdi. O, həlak ola bilərdi.

Monako Qran-Prisi, 2010-cu il

Braziliyalı pilot Rubens Barikkello da 2010-cu ildə eyni vəziyyətə düşmüşdü. O da Rosberq təki kanalizasiya lyukunun üstündən keçəndə lyük qəflətən qalxıb və bolidin arxa hissəsi ilə sol təkərə dəyib.

Niko Rosberq yarışa davam etmişdisə, Rubensin bolidi yana sapdı, sədlərə dəydi və bir neçə dəfə çevrildi.

Çin Qran-Prisi, 2005-ci il

2005-ci ildəki yarışda kanalizasiya lyuku Xuan-Pablo Montoyyanın bolidini sıradan çıxarmışdı. 20 kq ağırlığında lyuk bolidin alt hissəsinin böyük qismini darmadağın etmişdi.

Təkərin şini deşilmiş, radiator və pontonlar xəsarət almışdılar. Buna rəğmən, kolumbiyalı pilot yarışa davam etdi. Fəqət, 8 dövrə sonra mühərrik sıradan çıxdı.

Şanxay Qran-Prisi, 2004-cü il

Çinin Şanxay şəhərində, Pudun səmtində turinq-klass tipli yarış idi. Belə tipli bolidlər "Formula-1″in açıq təkərli ən yaxşı bolildlərinə çatmasalar da, çox böyük sürətlə hərəkət edirlər.

Yarış zamanı kanalizasiya lyuku Bernd Maylanderin bolidini az qala məhv edəcəkdi.

Məlum oldu ki, lyuklar qaynaq edilməyib.

Monreal Qran-Prisi, 1990-cı il

İsveçrənin "Bryuon" komandasının ispan pilotu Hesus Pareyya həmin gün Kanadanın Monreal şəhərində, Jil Vilnöv adına trasda yarışa çıxmışdı. "Porsche 962″nin sükanı arxasında olan pilot öndəki bolidin yaratdığı"qraund-effekt" nəticəsində yerindən qaldırdığı kanalizasiya lyukunun "qurban"ı oldu.

Lyukun zərbəsi nəticəsində bolid zərbədən kənara atıldı, yanacaq bakı deşildi, yanğın başlandı. Tüstü bürümüş trasa çıxan marşallar yarışı dayandırdılar.

Malayziya Qran-Prisi, 2017-ci il

Fransız pilot Romen Qrojan "Sepanq" avtodromundakı ikinci praktikada drenaj sisteminin nasazlığı ilə üzləşdi.

Fin pilot Valtteri Bottasın "Mercedes"inin sürətinin havaya qaldırdığı kanalizasiya lyuku Qrojanını bolidinin arxa sağ təkərinə dəydi.

FİA insidenti kanalizasiya lyuklarının qaynaq tikişlərinin köhnəlməsi ilə izah etdi.

... Beləliklə, gördüyümüz kimi, Bakıdakı insident "Formula-1″də gözlənilməz sürpriz olsa da, yeni hadisə deyil.


Bakıda lyuk olayı: “Formula”da dəfələrlə yaşanmış hadisə
Bakıda lyuk olayı: “Formula”da dəfələrlə yaşanmış hadisə
Bakıda lyuk olayı: “Formula”da dəfələrlə yaşanmış hadisə
Bakıda lyuk olayı: “Formula”da dəfələrlə yaşanmış hadisə

Seymur Rəhimov
Emtv.az

OXŞAR XƏBƏRLƏR
"Azərbaycanın səsi" ictimai birliyi
ƏDƏBİYYAT

ARAŞDIRMALAR
XƏBƏR LENTİ
BÜTÜN XƏBƏRLƏR