17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
15:05 - QHT Qubada tədbir keçirdi
Xarici vətəndaşlara torpaq satışı qadağan edilir
Gürcüstan hökuməti xarici vətəndaşlara satılmış torpaqlardan istifadə qaydalarını sərtləşdirib. Qanunlara təklif olunan dəyişikliyə əsasən mülkiyyətçi torpaqdan istifadə etmədikdə hər hektar üçün müəyyən məbləğdə cərimə ödəməli olacaq.
Emtv.az yerli mətbuata istinadən xəbər verir ki, bu hal bir neçə dəfə təkrar olunduqda isə cərimələrin miqdarı artırılacaq və son nəticədə torpaq mülkiyyətçidən geri alınacaq.
Qeyd edək ki, 2018-ci il dekabrın 16-da qüvvəyə minmiş yeni konstitusiyaya əsasən kənd təsərrüfatı torpaqlarının xarici vətəndaşlara satışı da qadağan edilib. Konstitusiyaya edilən dəyişiklikdə deyilir ki, kənd təsərrüfatı torpağı sosial resurs kimi yalnız dövlətə, özünüidarəetmə orqanlarına, Gürcüstan vətəndaşı və ya vətəndaşlarının birliyinə məxsus ola bilər.
Bununla da ölkənin əsas qanunu ilə kənd təsərrüfatı torpaqlarının xarici vətəndaşlara satılması qadağan olunub.
İqtisadçı ekspertlərin fikrincə, bu, Gürcüstana xarici sərmayələrin axının qarşısını alacaq. Onlar bildirirlər ki, bu, artıq bəzi sahələrə, xüsusən də kənd təsərrüfatına sərmayə qoyuluşunun azalmasında özünü göstərir.
Gürcüstanın ətraf mühitin mühafizəsi və kənd təsərrüfatı naziri Levan Davitaşvili parlamentdə çıxışı zamanı deyib ki, torpaq sahələrinin əcnəbi vətəndaşların adına qeydiyyata alınmasının məhdudlaşdırılması investisiyalara mənfi təsir göstərməyib.
Onun sözlərinə görə, kənd təsərrüfatına xarici investisiyaların cəlb olunması əsas vəzifələrdən biridir. Ölkə konstitusiyasına edilmiş müvafiq dəyişikliklərdən sonra bu sahəyə investisiya qoyuluşu sabit olaraq qalır.
“Konstitusiyaya edilmiş dəyişikliklər mülkiyyət məsələsini düzgün və ədalətli olaraq tənzimləyir. Bizim vətəndaşlar kənd təsərrüfatı torpaqlarının saxlanılması ilə bağlı məsuliyyət daşıyır və bu sahədə əcnəbilərin də müxtəlif formada iştirakına imkan yaradılır. Bu, düzgün və balanslaşdırılmış yanaşmadır”, – deyə nazir vurğulayıb.
Bildirilib ki, hazırda ölkədə kənd təsərrüfatına yararlı 45-50 min hektar torpaq sahəsi əcnəbilərin mülkiyyətindədir.
Parlamentdə əcnəbi torpaq sahiblərinə qarşı müəyyən sanksiyaların, o cümlədən öhdəliklərin yerinə yetirilməyəcəyi təqdirdə, torpaqların müsadirə olunmasının tətbiqi məsələsi müzakirə edilir.
Nəzrin Abbaszadə
Emtv.az