SON DƏQİQƏ

BP “Şahdəniz” qaz-kondensat yatağının işlənməsinin ikinci mərhələsi çərçivəsində ikinci klasterin dörd quyusunun istifadəyə verilməsi ilə bağlı iş aparır.

Emtv.az xəbər verir ki, bunu “Energy Intelligence” nəşrinə müsahibəsində BP-nin Azərbaycan, Gürcüstan və Türkiyə üzrə regional prezidenti Qari Cons deyib.

Onun sözlərinə görə, artıq birinci klaster üçün dörd buruq gətirilib ki, bu da qaz hasilatını 16 milyard kubmetrədək artırmağa imkan verəcək:“Şahdəniz” yatağında ilkin hasilat həcmi ildə təxminən 10 milyard kubmetr təşkil edirdi. “Şahdəniz 2” dörd klasterlə tam istifadəyə verildikdən sonra biz əlavə 16 milyard kubmetr qaz əldə edəcəyik. Yekunda qaz hasilatı ildə 26 milyard kubmetr təşkil edəcək və bunlardan 10 milyard kubmetri Avropaya nəql ediləcək”.

O qeyd edib ki, BP Türkiyəyə qaz ixracatını da artırmaq niyyətindədir.

Q.Cons əlavə edib ki, 2020-ci ildə “Şahdəniz” yatağının işlənməsinin üçüncü mərhələsi çərçivəsində qazma işləri aparılacaq:“Bu, qaz hasilatının artırılması üçün yeni imkanlar yaradacaq”.

Zərifə Ələkbərova
Emtv.az