SON DƏQİQƏ

Dövlət Neft Fondundan transferlərdən imtina etmək düzgün deyil.

Emtv.az xəbər verir ki, bu sözləri Milli Məclisin birinci vitse-spikeri, Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov parlamentdə komitələrin birgə iclasında deyib.

Büdcə layihəsinin müzakirəsi zamanı büdcənin neftdən asılılığının azaldılması ilə bağlı səslənən fikirlərə münasibətini açıqlayan Ziyafət Əsgərov qeyd edib ki, transferlərdən imtina etmək düzgün deyil: “Bu gün dünyada neftin 57 faizi yanacaq kimi istifadə olunur. Hazırda dünyada elektrik enerjisi ilə çalışan nəqliyyat vasitələrinin istehsal olunduğunu nəzərə alsaq, 10-15 ildən sonra yanacağa olan tələbat 57 faiz azalacaq. O zaman neftin qiymətində azalmalar müşahidə olunacaq. Belə olan vaxtda niyə biz neftimizi dünya bazarına çıxarıb ondan əldə etdiyimiz gəlirlər hesabına iqtisadiyyatımızı genişləndirməyək? Ölkəmizdə sosial layihələr işləyib hazırlanır, yol infrastrukturuna diqqət ayrılır. Bunu xalqımız üçün edirik. Bu. sosial vəziyyətin yaxşılaşdırılması deyilmi?”

Ziyafət Əsgərov həmçinin 2019-ci ilin büdcəsində dünya iqtisadi konnektura və çağrışlar nəzərə alındığını qeyd edıb: “Bu büdcə Azərbaycanın gələcəyi, xüsusilə də 2019-cu il üçün etimadlı büdcədir. Elmi cəhətdən savadlı hazırlanıb. Büdcəmiz xalqımız üçün xeyrli olsun”.

Sevinc Əlimova,
Emtv.az