SON DƏQİQƏ

“Mən komandadakı tərəfdaşlarımı inandırdım ki, ölkədə keçiriləcək prezident seçkilərində partiyanın öz namizədi ilə iştirakına lüzum yoxdur”.

Emtv.az xəbər verir ki, “Gürcü arzusu” partiyasının lideri Bidzina İvanişvili Gürcüstanda bu həftə keçiriləcək prezident seçkilərindən danışarkən deyib.

İvanişvili deyib ki, partiyadankənar şəxsin namizədliyinin dəstəklənməsi demokratik institutlar üçün daha maraqlı olacaq: “Bundan əlavə, hakim “Gürcü arzusu” partiyasının hakimiyyətdə, parlamentdə və yerli strukturlarda yetərincə nümayəndəsi təmsil olunur”.

İvanişvili bəzi öz partiyadaşlarına müraciət edərək deyib ki, “naz etmək lazım deyil”, partiyanın qərarına hörmət etmək lazımdır.

Ölkə əhalisini və partiyadaşlarını prezident seçkilərində Salome Zurabaşvilinin namzidələyini dəstəkləməyə çağıran İvanişvili deyib ki, Salome çox layiqli namizəddir və o, hamıdan daha çox bu vəzifəyə haqq edir.

“Böyük ehtimalla, Salome elə birinci turda seçkidə qalib gələcək. Odur ki, mən imkanlarımdan istifadə edib Zurabaşvilini dəstəkləməyə çağırıram. Seçicilər 28 oktyabrda aktiv olsunlar”, – İvanişvili bildirib.

Qeyd edək ki, Gürcüstanda prezident seçkiləri oktyabrın 28-də keçiriləcək. Seçkilərdən 25 nəfər prezidentliyə namizəddir.

İsmayil İsmayilov
Emtv.az