SON DƏQİQƏ

2018-ci ilin oktyabrında Gürcüstanda keçiriləcək prezident seçkilərində iştirak etmək istəyən təşəbbüs qrupları və partiyalar üçün ərizə vermə müddəti sentyabrın 8-də bitir.

Emtv.az xəbər verir ki, bu barədə Gürcüstan Mərkəzi Seçki Komissiyası məlumat yayıb.

Seçki komissiyasının verdiyi məlumata əsasən, hazırda prezident seçkilərində 39 nəfər müraciət edib.

Onlardan 20 nəfəri təşəbbüs qrupları tərəfindən, 19-u isə siyasi partiyalar irəli sürülüb.

Namizədliyinin qeydə alınması üçün 23 923 imza toplanmalıdır.

Seçkiyə 30 gün qalmış prezidentliyə namizədlər rəsmi qeydiyyata alınmalıdır.

İndiyədək cəmi 4 namizəd qeydiyyatdan keçə bilib.

Bunlar “Ədalətin bərpa olunması ittifaqı”-ndan Mixail Saluaşvili, “Vətəndaş platforması- Yeni Gürcüstan”-dan Zviad Baqdavadze , Leyboristlərdən – Şalva Natelaşvili və “Avropa Gürcüstanı- azadlqı uğrunda Hərəkat” dan David Bakradzedir.

Gürcüstanda növbəti prezident seçkiləri 28 oktyabrda keçiriləcək.

İsmayil İsmayilov
Emtv.az