SON DƏQİQƏ

Nikol Paşinyan oktyabrın 22-də Ermənistan parlamentində Seçki Məcəlləsinə dəyişikliklə bağlı təqdim etdiyi təklif qəbul edilməyib. Belə ki, qanuna dəyişikliyə 63 deputat səsə verməli oldğu halda, 56 nəfər səsə verib. Beləliklə, Paşinyanın təklifi qəbul edilməyib.

Emtv.az xəbər verir ki, baş verən olay baş nazir Nikol Paşinyanı bərk qəzəbləndirib.

Paşinyan parlamentdəki səsverməni siyasi sabotaj adlandırıb: “Parlamentdəki siyasi çoxluq və onların tərəfdarları siyasi sabotajla məşğuldurlar. Son 20 gündə biz bir neçə dəfə belə bir halın şahid olduq”.

Paşinyanın fikrincə, həmin qüvvələr parlament seçkilərindən özləri üçün revanş kimi istifadə etməyə çalışırlar: “Parlament seçkiləri hətta mövcud seçki qanunvericiliyi ilə keçirilsə belə, xalqın qələbəsi şəksizdir. Keçmişə dönüş mümkün deyil”.

Seçki qanunvericiliyinə nəzərdə tutulan layihə keçmədiyindən bu gün Ermənistan parlamentinin “Çarukyan” və “Çıxış” fraksiyası parlamentin iclasının keçirilməsi ilə bağlı imza toplama kampaniyasına başlayıb. Onlar parlamentin növbəti iclasının oktyabrın 29-da keçirilməsini istəyirlər.

Həmin iclasda da yenidən Seçki Məcəlləsinə nəzərdə tutulan dəyişikliyin müzakirə olunması təklif olunur.

İsmayil İsmayilov
Emtv.az