SON DƏQİQƏ

“Biz işğal olunmuş ərazilərimizlə bağlı qanun layihəsi hazırlamalıyıq”.

Emtv.az xəbər verir ki, bunu Milli Məclisin bu gün keçirlən iclasında çıxış edən deputat Qüdrət Həsənquliyev deyib.

Deputat bildirib ki, ermənilər işğal olunmuş Azərbaycan ərazilərində təbii sərvətləri istismar edirlər: “Bundan əlavə, o ərazilərdə xarici şirkətlərin sayı artır. Hesab edirəm ki, biz bununla bağlı qanun qəbul etməliyik. Bundan sonra da həmin şirkətlər haqqından qanuna uyğun olaraq qərarlar qəbul edilməlidir”.

Q.Həsənquliyevin sözlərinə görə, hamıya da bəllidir ki, Azərbaycan torpaqlarını işğal edən ölkə Ermənistan deyil. “Belə bir fikirlər səsləndirilir ki, Azərbaycan Ermənistanın öhdəsindən gələ bilmir. Bizim torpaqlarımızı işğal edən ölkə Rusiyadır. Biz nə qədər hərbi potensialımız artırsaq da, Rusiya Ermənistana hərbi dəstək verdiyi halda bizim torpaqlarımız işğaldan azad edilə bilməz. Hətta ola bilər ki, bu ölkələrin əlbirliyi ilə bizim yeni ərazilərimiz də işğal olunsun”-deputat bildirib.

Seymur Rəhimov
Emtv.az