SON DƏQİQƏ

İngiltərədə zəhərlənən rusiyalı ikili agent Sergey Skripal 4 NATO ölkəsinin kəşfiyyat xidməti ilə əməkdaşlıq edib.

Emtv.az xəbər verir ki, bu barədə Almaniyanın “Fokus” jurnalı yazıb.

Mətbu orqanına bu barədə NATO-nun birləşmiş komandanlığının əks-kəşfiyyatındakı mənbə məlumat verib.

Mənbənin verdiyi məlumata görə, Sergey Skripal 2017-ci ilədək NATO-nun dörd ölkəsinin kəşfiyyatı ilə əməkdaşlıq edib.

“Sabiq rusiyalı ikili agent Sergey Skrial bu ölkələrlə əməkdaşlığı zamanı hətta Rusiyanın Baş Kəşfiyyat İdarəsinin fəal casusunun adını da açıqlayıb”- “Fokus” yazır.

Mətbu orqanın yazdığına görə, Skripal 2012-ci ildə Britaniyanın Mİ6 kəşfiyyatının əməkdaşlarının müşaiyəti ilə Praqaya gətirilib və o, orada yerli dövlət təhlükəsizlik orqanlarını fəal rusiyalı kəşfiyyatçı şəbəkəsi barədə məlumat verib. Skripal bu agentlərin çoxunu hələ Moskvada işlədiyi zamandan tanıyıb.

“Fokus” Skripalın 2016-cı ilin yayında Estoniya xüsusi xidmətlərini 3 rusiyalı casusu ifşa etməsinə yardım edib. Qeyd olunur ki, bunların arasında Estoniya ordusunun zabiti və onun atası olub.

Mətbu orqanın iddiasına əsasən, Skripal eyni zamanda İspaniyanın Milli Kəşfiyyat Mərkəzi – CNİ kəşfiyyat orqanını məlumatla təmin edib. Skripal İspaniya xəfiyyəsini Rusiya mafiyasının bu ölkənin Kosta-del-Sol bölgəsindəki tanınmış siyasiləri və dövlət məmurları ilə kriminal əlaqələri barədə məlumatlandırıb.

İsmayil İsmayilov
Emtv.az