SON DƏQİQƏ

“Trampın hücumları Türkiyəyə təhlükə yaratmır.”

Emtv.az xəbər verir ki, bu sözləri “Novaya Rossiya” hərəkatının lideri, Aktüel iqtisadiyyat institutunun direktoru Nikita İsayev deyib.

Politoloq ABŞ-ın Türkiyəyə qarşı iqtisadi hücumlarını, alüminum, polad və kömür idxalatına gömrük rüsumunun ikiqat artırmasını, Vaşinqtonun Ankaraya təzyiqi kimi qiymətləndirib. Onun fikrincə, ABŞ ndiki məqamda Trampın müəyyən edtiyi qəliblərə uyğun olaraq hərəkət edir.

“Ona görə də ABŞ öz müttəfiqlərinə qarşı hücumlara keçib. Türkiyə hər şeydən öncə NATO üzvü olduğundan həqiqətən də ABŞ-ın müttəfiqidir. Bundan öncə ABŞ avropalı müttəfiqlərinə qarşı alüminium və polad idxalatına görə gömrük vergisini artırıb. O baxımdan ABŞ-ın Türkiyəyə qarşı belə bir təzyiq metodundan istifadə etməsinə heç də təəccüblənmək lazım deyil. Bu təzyiqlərə baxmayaraq, bu Türkiyə üçün elə də ciddi problem deyil. Çünki Türkiyə dünyada bu məhsulların ixracatında mühüm yeri olan ölkələrdən biridir. ABŞ-ın bu hücumları daha çox şou xarakteri daşıyır. Yəni Vaşinqton bununla da nümayiş etdirmək istəyir ki, hətta öz müttəfiq və ya tərəfdaşına qarşı da hücuma keçə bilər”- rusiyalı politoloq bildirib.

Sevinc Əlimova,
Emtv.az