SON DƏQİQƏ

Ötən il Naxçıvanda keçirilən hərbi paradın nümayişi təkcə yaxın ölkələrin internet resurslarında və rəsmi saytlarında yer almayıb. Hətta uzaq Çində belə sosial şəbəkələrdə bu məsələ müzakirə olunur.

Emtv.az xəbər verir ki, Çinin www.xw.qq.com saytı hərbi paradın naxcivantv.az saytındakı şəkillərini yerləşdirib və izləyicilər bu möhtəşəm keçidlə bağlı rəylər bildiriblər. Yazılarda qeyd olunur ki, 18 oktyabr da Naxçıvan Muxtar Respublikasında Azərbaycan Respublikasının ilk hərbi hissəsinin yaranmasının 25-ci ildönümü və milli müstəqillik gününə həsr olunmuş böyük hərbi parad keçirilib. Şəkildəki beretli, günəş gözlüyü, qulaqlıq taxan və müxtəlif kamuflyajlı silahlar, hücum tüfəngləri olan bu döyüşçülər çox gözəl görünür. Hərbi parada 2,000 əsgər, 160-dan çox zirehli texnika və silah sistemləri, o cümlədən 10-dan çox helikopter və təyyarə cəlb edilib. Tədbirdə Naxçıvan Muxtar Respublikası Ali Məclisinin Sədri Vasif Talıbov və Azərbaycan Respublikası Müdafiə Naziri Zakir Həsənov iştirak ediblər. Rəylərin birində deyilir ki, piyadaların keçidi ilə yanaşı, çox sayda müxtəlif növlü yerüstü döyüş texnikası dəstləri və onların hərəkəti çox qüdrətlidir. Rəy yazanlar həmçinin azərbaycanlı zabitlərin geyim dəstləri və əsl döyüşçülərə məxsus soyuqqanlı sifət cizgilərinin çox yüksək səviyyədə olduğunu bildirirlər.

Azərbaycan ordusunun piyada bölməsi çox gözəl olması qeyd edilir. Həmçinin paraddan keçən silahların növləri və qırıcı təyyarələrin , raketlərin möhtəşəmliyi də vurğulanır.

Həmin görüntüləri təqdim edirik: