SON DƏQİQƏ

Naxçıvan Muxtar Respublikasının Səhiyyə Nazirliyindən verilən məlumata görə aprelin 17-də Şərur Rayon Mərkəzi Xəstəxanasında keçirilən qanvermə aksiyası Ümumdünya Hemofiliya Günü münasibətilə keçirilib.

Tədbirdə bildirilib ki, hazır­da Naxçıvan Muxtar Respublika Xəstəxanasının Hematoloji şöbəsində 69 nəfər hemofiliyalı, 35 nəfər talassemiyalı xəstə qeydiyyatdadır. Müəssisədə Qan bankı yaradlıb və Hematransfuzioloji briqada fəaliyyətə başlayıb. Bu isə qan köçürülməsinə ehtyacı olan , o cümlədən hemofiliyalı və talassemiyalı xəstələrə göstərilən tibbi xidməti xeyli yüksəldib. Hazırda ehtiyacı olan xəstələr üçün Qan bankının xidmətlərindən geniş istifadə edilir.

Sonra səhiyyə işçilərindən “Çoxlarının həyatının xilası sənin qanının təhlükəsizliyindədir” devizi altında qan götürülüb. Bir neçə saat davam edən könüllü qanvermə aksiyasında 11 litr qan toplanaraq Qan bankına təhvil verilib. Hazırda qan bankında xəstələrə köçürülmək üçün kifayət qədər ehtiyat yaradılıb.

Qeyd edək ki, 17 aprel Hemofiliya Gününü Azərbaycanla bərabər dünyanın 115 ölkəsi də qeyd edir. Məqsəd ictimaiyyətin diqqətini hemofiliyalı xəstələrin problemlərinə cəlb etməkdir.

Emtv.az