SON DƏQİQƏ

Suriyada Əsəd rejimi və İran dəstəkli muzdlu qrupların Şərqi Qutaya son 48 saatda təşkil etdiyi hücumlarda 167 nəfər mülki vətəndaş öldürülüb.

Emtv.az Anadolu Agentliyinə istinadən xəbər verir ki, dünən səhər saatlarından etibarən Şərq Qutadaki mülki yaşayış yerləri olan Duma, Haresta, Hammuriye, Misraba, Merc, Sakba, Cisrin, Batna, Eyn Terma, Şifoniyye və Beyt Sava mahallarına havadan və qurudan hücumlar təşkil edilib.

Hücumlar nəticəsində dünən 88, bu gün 79 olmaq üzrə iki gündə ümumilikdə 167 vətəndaş öldürülüb. Ölü sayının artması ehtimal edilir.

Müxaliflərin nəzarətində olan Şərq Qutada təxminən 400 min vətəndaş yaşayır. Şərq Quta Astana müqavilələrində gərginliyi azaltma zonası elan edilmişdi, ancaq Əsəd rejimi keçən ilin aprel ayından etibarən bölgəyə yönəlik blokadasını daha da gücləndirib. Son aylarda isə hücumlarını şiddətləndirib. Humanitar böhranın dərinləşdiyi bölgədə, minlərlə xəstə vətəndaş təxliyyə edilməsini gözləyir.

Bunların bir çoxu uşaq və xərçəng xəstələridir. Şərq Qutada çoxlu sayda körpə aclıq və dərimansızlıq üzündən həyatını itirib.
Birləşmiş Millətlər Təşkilatı Baş Katibinin sözçüsü Farhan Haq dünənki açıqlamasında, 69 vətəndaşın hədsiz dərəcədə qeyri-kafi qidalanma ilə üz-üzə olduğunu, 127 uşağın isə həyati təhlükəsi olduğunu söyləmişdi. Haq vərəm, qarın yatalağı və qotur kimi yoluxucu xəstəliklərin başladığını, peyvəndlərin tükənməsi səbəbindən 600 uşağın təhlükə altında olduğunu ifadə etmişdi.

Emtv.az