SON DƏQİQƏ

Suriyada atəşkəs zonaları sayılan Şərqi Quta və İdlibdə Əsəd rejiminin atəşkəs pozması nəticəsində son vaxtlar baş verən hücumlarda 400 nəfər həyatını itirib.

Emtv.az xəbər verir ki, rejimin mühasirəsində olan Şərqi Qutaya hücumlar 2017-ci ilin 14 noyabrından bu yana davam edir.

Region ağır bombardmana məruz qalır. Keçən ilin 14 noyabrından bu yana davam edən hücumlarda 5 mülk müdafiə üzvü, 303 mülki şəxs ölüb. Yaralıların sayı 1400 nəfəri keçib. Son iki həftə ərzində isə 161 mülki şəxs ölüb.

İdlib vilayətində isə Rusiyanın dəstək verdiyi Əsəd rejiminin hücumları üç həftədir davam edir. Son hücumlarda 95 mülki şəxs ölüb, 200 nəfərdən çox mülki şəxs yaralanıb.

Digər tərəfdə isə İranın dəstək verdiyi silahlı qruplaşmalar ilə rejim əleyhdarı qüvvələr arasında şiddətli döyüşlər gedir.

Xatırladaq ki, 4-5 may tarixlərində Astana danışıqlarında Şərqi Quta və Türkiyə sərhədindəki İdlib torpaqları atəşkəs zonası elan edilmişdi.

Emtv.az