SON DƏQİQƏ

Məmməd Səid Ordubadi adına Naxçıvan Muxtar Respublika Kitabxanasının təşkilatçılığı ilə Naxçıvan Musiqi Kollecində Teodor Drayzerin “Dahi” romanının müzakirəsi olub.

Emtv.az xəbər verir ki, tədbirdə kitabxananın direktoru Aytəkin Qəhrəmanova, Naxçıvan Musiqi Kollecinin direktoru Günay Məmmədova, kitabxananın elmi işlər üzrə direktor müavini Rahilə Məmmədova və kitabxananın əməkdaşı Heyran Ələsgərova çıxış ediblər.

Çıxışlarda Amerika yazıçısı Teodor Drayzerin həyat və yaradıcılığından, eləcə də onun “Dahi” romanı haqqında ətraflı danışılıb.

Qeyd olunub ki, Naxçıvan Muxtar Respublikası Ali Məclisi Sədrinin Sərəncamı ilə bu romanın oxunması zəruri olan kitablar siyahısına daxil edilməsi gənclərin mənəvi tərbiyəsinə göstərilən diqqət və qayğının daha bir nümunəsidir.

Sonra oxunması zəruri olan kitabların nümayiş etdirildiyi sərgiyə baxış olub.

Emtv.az