SON DƏQİQƏ

2017-2018-ci ilin payız-qış mövsümünə hazırlıq və qarşıda duran vəzifələrlə əlaqədar Naxçıvan Muxtar Respublikasının Nəqliyyat Nazirliyində müşavirə keçirilib.

Emtv.az azərtac-a istinadən xəbər veir ki, keçirilən iclasda nazir Mirsənani Seyidov çıxış edib.

Qeyd olunub ki, avqustun 26-da Naxçıvan Muxtar Respublikası Ali Məclisində 2017-2018-ci ilin payız-qış mövsümünə hazırlıq və qarşıda duran vəzifələrlə əlaqədar keçirilən müşavirədə tapşırılıb ki, Nəqliyyat Nazirliyi qış aylarında xəttə buraxılacaq nəqliyyat vasitələrinin qrafik üzrə hərəkətinə, Daxili İşlər Nazirliyi ilə birlikdə həmin nəqliyyat vasitələrinin texniki cəhətdən saz vəziyyətdə olmasına nəzarəti gücləndirməlidir.

Bildirilib ki, ilkin olaraq ucqar dağ və sərhəd kəndlərinə işləyən marşurut avtobusların texniki müayinədən keçirilməsi işinə start verilib. Bu məqsədlə nazirliyin “Payız-qış mövsümünə hazırlıq komissiyası” Şərur, Ordubad, Şahbuz rayonlarının ucqar dağ kəndlərinə işləyən nəqiyyat vasitələrində mövcud olan çatışmazlıqların aradan qaldırılması istiqamətində tədbirlər görüb.

Mirsənani Seyidov deyib ki, fasiləsiz sərnişin­daşıma xidməti göstərmək üçün Naxçıvan Şəhər Təsərrüfathesablı Nəqliyyat İdarəsində mexanik və çilingərlərdən ibarət təmir briqadası yaradılıb, bu dövrdə qarşıya çıxacaq hər hansı nasazlığı vaxtında aradan qaldırmaq üçün idarənin təmir sexləri hazır vəziyyətə gətirilib.

Sonra məruzə ətrafında çıxışlar olub. Müşavirədə verilən tapşırıqların icrası məqsədi ilə müzakirələr aparılıb, konkret tapşırıqlar verilib.

Emtv.az