SON DƏQİQƏ

Şahbuz Rayon İcra Hakimiyyətində 2017-2018-cı ilin payız-qış mövsümünə hazırlıqla əlaqədar müşavirə keçirilib.

Emtv.az azərtac-a istinadən xəbər verir ki, müşavirəni rayon icra hakimiyyətinin başçısı Rəfael Babayev açıb. Bildirib ki, 2017-2018-cı ilin payız-qış mövsümünə hazırlıq məqsədilə rayon mərkəzində fəaliyyət göstərən 49 idarə, təşkilat və müəssisənin yerləşdiyi inzibati binalardan 43-də müasir istilik sistemi quraşdırılıb. Qeyd olunub ki, qarşıdan gələn payız-qış mövsümündə 22 məktəbin binasının müasir isitlik sistemi ilə qızdırılması təmin ediləcək. 1 məktəbin isə neft yanacağı ilə qızdırılması nəzərdə tutulub.

Rəfael Babayev qeyd edib ki, payız-qış mövsümünə hazırlıq məqsədi ilə Külüs, Kükü, Yuxarı Qışlaq, Güney Qışlaq, Şada, Ayrınc kənd yollarında, eləcə də Şahbuz-Batabat magistralında cari təmir işləri aparılıb.Rayon mərkəzində avtovağzalın xətti ilə rayonun bütün yaşayış məntəqələrindən 26 marşrut vasitəsilə Naxçıvan şəhərinə və rayon mərkəzinə nəqliyyatın hərəkəti tənzimlənib. Rayon əhalisinin təbii qaz və elektrik enerjisi ilə təminatı fasiləsiz təmin edilib, 12 yeni tikilən evə qaz xətti, 14 -nə isə elektrik xətti çəkilib.

İcra başçısı 2017-2018-ci ilin payız-qış mövsümünə hazırlıqla əlaqədar görüləsi işlər haqqında aidiyyatı təşkilatlara konkret tapşırıqlar verib.

Məruzə ətrafında rayon elektrik şəbəkəsinin direktoru Elman İsmayılov, qaz istismarı idarəsinin rəisi Xəqani Məmmədov, təhsil şöbəsinin müdiri Araz Məmmədov çıxış ediblər.

Emtv.az