SON DƏQİQƏ

“İkinci dəfə ailə qurmaq istəmirdim. Mənim üçün tək yaşamaq rahat idi. Amma görürdüm ki, yaşlanıram. İnsan hər zaman cavan və tək qala bilməz”.

Emtv.az-ın məlumatına görə, bu sözləri xalq artisti Səyavuş Kərimi deyib.

Bəstəkar ikinci dəfə ailə qurmasından, xanımından danışıb:

“Özü gəldi çıxdı. Düşündüm ki, belə gözəllik niyə məndən uzaqda qalmalıdır ki? İstəyirəm hər gün səhər yuxudan duranda gözəl sifət görüm. Ailədə gərək sakitçilik, isti ocaq olsun. Kimin üçün yaşadığın bəlli olsun. Mənim öz həyatım mənə yox, övladlarıma məxsusdur”.

S.Kəriminin xanımı Günay Kərimi tanış olmalarından söz açıb:

“Efirlərdən tanıyırdım. Sonra elə oldu ki, mən onun işlədiyi təhsil ocağında çalışmağa başladım. Getdim, onun razılığı lazım idi. Gəldi, amma 15 dəqiqə vaxtı var idi. Döndü baxdı və çağırdı ki, gəlsin. İki il ərzində onu yaxından tanımağa başladım. Hörmətim və istəyim artdı. İlk dəfə evlilik təklifini mənə etdi və razılaşdım. Sonra ailəmlə tanış oldular”.

G.Kərimi bildirib ki, bəstəkarın ilk evliliyindən olan övladlarıyla da münasibəti yaxşıdır:

“Onlar çox uzaqdadırlar. Amma tez-tez danışırıq. O da mənim övladlarımın qardaşıdır. Aramızda heç bir problem olmur”.