SON DƏQİQƏ

Naxçıvan şəhər yaşayış yerində ilk dəfə olaraq tədqiqat işlərinə başlanılıb. Aşkar olunan tapıntılar sübut edir ki, Naxçıvan şəhərində məskunlaşmanın 8000 illik tarixi var.

Emtv.az azərtac-a istinadən xəbər verir ki, AMEA Naxçıvan Bölməsinin arxeoloji ekspedisiyası iyul ayının 10-dan Naxçıvan şəhər yaşayış yerində arxeoloji tədqiqata başlayıb. Ekpedisiyanın rəhbəri Azərbaycan Milli Elmlər Akademiyasının müxbir üzvü Vəli Baxşəliyevdir.

Onun sözlərinə görə, bu arxeoloji abidə Azərbaycanda ilk dəfə olaraq Naxçıvanda aşkar olunub və ilk dəfə olaraq tədqiqat aparılır.
“Bu tədqiqatların əsas məqsədi Qafqazla Yaxın Şərq arasında iqtisadi-mədəni əlaqələrin rolunu müəyyən etməkdən ibarətdir. Bu yaşayış yeri Cənubi Qafqazda ilk abidədir ki, Yaxın Şərqlə Qafqaz arasındakı olan əlaqələri müəyyən etməyə imkan verir. Həmçinin abidə Urmiya hövzəsində olan Dalmatəpə abidəsi ilə sıx şəkildə bağlıdır."

Vəli Baxşəliyev onu da qeyd edib ki, bu abidənin ən böyük əhəmiyyəti Enolit dövrünün erkən mərhələsini əhatə etməsidir.

Emtv.az