SON DƏQİQƏ

Məhkəmələrdə “MTN işi” sona çatmaqdadır. Bir çox izləyicilər “mahmudovçu”ların yüngül cəzalar alacağı, hətta xəstəlik adı ilə azadlığa qovuşacaqları qənaətindədirlər; Və belə fikir formalaşıb ki, Eldar Mahmudov hətta vəzifəyə belə qaytarıla bilər.

Belə bir durumda beyinlərdə bir sual fırlanır - bu əməliyyatlar haqq-ədalətin bərpasına xidmət etməyəcəkdisə, keçirilməsinə nə ehtiyac vardı? Çünki MTN generalları çox arxayın danışırlar.

Emtv.az mediada gedən yazılardan və rəylərdən belə bir qənaətin hasil olduğunu xəbər verir ki, E.Mahmudov yenidən toparlanır.

Məhkəmələrin başlandığı ilk vaxtlardan fərqli olaraq, in di MTN generalları daha rahat və sərbəstdirlər, çıxışlarında bir razılıq əlaməti var.

Məhkəmə çıxışlarında mühakimə olunan generallar, rütbəli şəxslər təlimatları E.Mahmudovdan aldıqlarını açıqlasalar da, MTN rəhbəri məhkəmədə dindirilmədi. Hakimlər nə bu barədə vəsatətləri təmin ediblər, nə onun məhkəməyə gətirilməsini tələb ediblər.

Halbuki, belə bir irimiqyaslı əməliyyat və hadisədən sonra E.Mahmudov məhkəmədə ifadə verməliydi. Ancaq MTN şefini qoruyan əllər sona qədər onu bu prosesdən kənarda saxlaya bildilər.

Emtv.az xəbər verir ki, nəticə etibarı ilə siyasi şantaj yoluna əl atan eks-nazir yenidən hakimiyyətdə vəzifə tutmaq ehtirası ilə yaşayır.

Amma siyasi rəhbərliyin buna icazə verib-verməyəcəyi məlum deyil. Hər halda Azərbaycan prezidenti İlham Əliyevin ona qəzəbi soyumuş ola bilməz.

Qaynağımız iddia edir ki, E.Mahmudov sabiq rabitə naziri Əli Abbasovun AMEA-da müşavir təyin olunmasından sonra siyasi reanimasiyadan çıxmağa və reputasiyasını bərpa etməyə həvəslənib.

Onun MTN-dəki dəstənin qanunsuz əməlləri ilə əlaqəsindən xəbərsiz olmasını deəyərk yenidən cəmiyyət qarşısında çıxması istisna edilmir.

Gələn məlumatlar, “MTN işi” çərçivəsində baş tutan məhkəmə proseslərində cərəyan edənlər onu deməyə əsas verir ki, hətta əks prosesin gerçəkləşməsi də mümkündür. MTN işi üzrə zərər çəkən bir çox şəxslərin də şikayətini ictimailəşdirməsinə imkan verilmir.

Buna səbəb kimi yeni detalların, yeni cinayətlərin üstünün açılmasının qarşısını almaqdır. E.Mahmudova sərf edən bu variant MTN işinin Çovdarovla qapadılmasına hesablanıb.

Emtv.az