SON DƏQİQƏ

“Həyatda insan üçün can sağlığından qiymətli heç nə yoxdur. Həyatdır da, bəzən olur ki, insan özünə laqeyd yanaşır və xəstələnir".

Bu sözləri müğənni Səyyad Əlizadə “ARB Ulduz”un “Şou məkan” verilişində deyib.
Bir müddət əvvəl səhhəti pisləşən və xəstəxanaya yerləşdirilən ifaçı hazırda özünü yaxşı hiss etdiyini söyləyib:

"İnsan bəzən umduğu adamlardan küsür. Sonra bir az aradan vaxt keçdikdən sonra deyirsən ki, heç kimdən küsməyə dəyməz. Hər kəs öz problemləri ilə yaşayır. Ona görə də mən incidiyim dostlarımı bağışladım.
Bizim sənətdə təsadüfi insanlar çoxdur. Çörəyi dizinin üstündə olanlar hər sahədə var.
İllərdir mən eyni imicdəyəm. Dəb mənim üçün rol oynamır. Mən nə yaraşırsa, onu geyinirəm. Bu gün cavanlar elə şalvar geyinirlər ki, “kalqotka”ya oxşayır. O, kişiyə yaraşan şey deyil. Kişi gərək geyiminə fikir versin. Düzdür, bizim cavan qızlar da dar geyinirlər. Ancaq bu qəbul olunmur. Ev geyimi başqadır, küçə geyimi başqa”.

Müğənni gənc ifaçıların məclislərə geyindiyi geyimləri də tənqid edib:

“Bu gün həmişə geyindiyim kimi geyinmişəm. Ancaq mən heç vaxt tədbirə, efirə, konsertə bu cür geyinmərəm. Elələri var ki, məclisə dizəcən kofta geyib gəlirlər. Hər şeyə fərqli yanaşırlar, guya bunlar müasirdirlər. Ancaq belə deyil”.



Emtv.az