17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
15:05 - QHT Qubada tədbir keçirdi
“Azərbaycan iqtisadiyyatına mənfi təsirlərin səbəbi…” – Dünya Bankı
“Azərbaycan iqtisadiyyatı üçün hərtərəfli strategiya lazımdır”. Bunu Dünya Bankının (DB) Avropa və Mərkəzi Asiya üzrə baş iqtisadçısı Hans Timmer bu gün keçirilən videokonfransda deyib.
Onun sözlərinə görə, neft gəlirlərinin azalması səbəbindən Azərbaycan alıcılıq qabiliyyətini 25% itirib və bu, milli iqtisadiyyat üçün çox böyük şok yaradıb.
“Azərbaycan xüsusilə ixracyönümlü mal və xidmətlər sahəsini inkişaf etdirməlidir. Mən Azərbaycanda sonuncu dəfə olarkən iqtisadiyyat sahəsində tədbirlərlə bağlı 5 zəruri istiqaməti açıqlamışdım. Bunlardan birincisi monetar siyasətlə bağlı idi. Həmin dövrdən bəri bu istiqamətdə müəyyən tədbirlər görülüb. Azərbaycanda məzənnə çevikliyi təmin edilməlidir. Yəni ölkədaxili qiymətlər xarici qiymətlərə uyğunlaşmalıdır. Bu, məzənnənin hesabına baş verməzsə, qiymətlərin korreksiyası hesabına baş verəcək. Azərbaycanda məzənnənin korreksiyası gec baş verdi. Buna görə də iqtisadiyyata mənfi təsirlər çox oldu. Azərbaycanın monetar siyasətində vəziyyət xeyli yaxşılaşıb. Bununla belə, bank sektorunun sağlamlaşdırılmasını təmin etmək vacibdir. Neftin qiymətinin düşdüyü bir şəraitdə bank sektorunun sağlamlığı vacibdir. Banklar fiskal siyasət hesabına yox, restrukturizasiya hesabına sağlamlaşdırılmalıdır. Bank sektoru üçün ən optimal struktur islahatları seçilməlidir. Bundan başqa, banklar yeni iş yerlərinin yaradılmasına dəstək verəcək xidmətlər göstərməlidir. Bank sektoru iri şirkətlərin, neft sektoru və tikinti sektorunun maliyyələşməsinə diqqət yetirirdi. Azərbaycanda bankların yeni sahələri maliyyələşdirmək baxımından bir o qədər təcrübəli yoxdur”.
H.Timmer bildirib ki, Azərbaycanda fiskal dayanıqlıqla bağlı xeyli işlər görülüb: “Amma fiskal tədbirlər gecikdiyindən bəzi çətinliklər qalmaqdadır. Xarici şokun yaratdığı çətinliklərin əhali arasında paylanmasına xüsusi diqqət yetirilməli və əhalinin aztəminatlı hissəsinə dəstək verilməlidir. Azərbaycanda ticarət və startap layihələri sahəsində çox işlər görməlidir”.
Emtv.az