17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
Heydər Əliyev İncəsənət Məktəbində “Azərbaycan rəngkarlığı” mövzusunda müzakirələr keçirilib
Heydər Əliyev Mərkəzi və “Regional İnkişaf” İctimai Birliyinin təşkilatçılığı ilə Masallı rayonu “ASAN həyat” kompleksindəki Heydər Əliyev İncəsənət Məktəbində “Azərbaycan rəngkarlığı” mövzusunda mühazirə keçirilib.
Emtv.az xəbər verir ki, tədbirdə Xalq rəssamı, Azərbaycan Rəssamlar İttifaqının katibi, Əməkdar incəsənət xadimi Ağaəli İbrahimovun mövzu üzrə mühazirəsi dinlənilib.
Region gənclərinin, ali məktəb tələbələrinin iştirakı ilə keçən tədbirdə Azərbaycan rəngkarlığının inkişafı tarixindən, 1969–1982-ci illərdə, eyni zamanda, müstəqillik illərində Azərbaycana rəhbərlik etdiyi dövrdə ümummilli lider Heydər Əliyevin bu sahənin inkişafındakı xidmətlərindən, Ulu Öndərin Azərbaycan incəsənətinə və sənətkarlara böyük qayğısından danışılıb. Bildirilib ki, Azərbaycanın görkəmli şəxsiyyətlərinin yaradıcılığının gələcək nəsillər arasında yaşadılması vacibdir. Bu baxımdan azərbaycançılıq ideyasının inkişafı, milli mənəvi dəyərlərimizin, Azərbaycan incəsənətinin qorunması, inkişafı və dünyaya tanıdılması istiqamətində dövlətlə yanaşı, Heydər Əliyev Fondu da tarixi əhəmiyyətli işlər görür.
Mühazirə zamanı Azərbaycan incəsənətinin intibah dövrünə aid miniatür sənəti, xalçaçılıq, keramika və divar rəsmləri haqqında danışılıb. XIX əsrin sonu XX əsrin əvvəllərində Azərbaycan təsviri sənətində yeni mərhələ, həmçinin görkəmli sənətkarlar Bəhruz Kəngərli, Əzim Əzimzadə, İbrahim Səfi, Əkbər Kazımbəyov və digər rəssamların yaradıcılığı barədə məlumat verilib.
Tədbirdə, həmçinin müasir Azərbaycan incəsənətinin çiçəklənmə dövrünə aid Səttar Bəhlulzadə, Tahir Salahov, Mikayıl Abdullayev, Toğrul Nərimanbəyov, Oqtay Sadıqzadə kimi tanınmış Azərbaycan rəssamlarının əsərləri barədə danışılıb.
Mühazirədən sonra gənclərlə mövzu ətrafında müzakirələr aparılıb.
Qeyd edək ki, Masallıda açılan “ASAN həyat” kompleksindəki Heydər Əliyev İncəsənət Məktəbində müxtəlif sərgi, tədbir, təqdimat və təlimlərin keçirilməsi nəzərdə tutulub. İncəsənət məktəbi, eyni zamanda, regionlarda istedadlı, xüsusi qabiliyyətli gənclərin aşkara çıxarılması, onların milli mənəvi dəyərlərə, tarixə bağlı ruhda böyüməsi istiqamətində fəaliyyət göstərir.