SON DƏQİQƏ

Azərbaycanda növbəti əfv verilib.

Emtv.az apa-ya istinadən xəbər verir ki, Azərbaycan prezidenti İlham Əliyev bu gün bu barədə sərəncam imzalayıb.

Əfv Məsələləri Komissiyasının üzvü Rəşad Məcid BakiPost.az-a açıqlamasında bildirib ki, Əfv sərəncamı 450-ə yaxın məhkuma şamil ediləcək: "450-ə qədər məhkum azad edilə bilər. Yaxın dəqiqələrdə siyahı tam olaraq açıqlanacaq”.

Bu gün prezident İlham Əliyevin imzaladığı əfv sərəncamında Azadlıq qəzetinin baş redaktoru, mühacirətdə olan jurnalist Qənimət Zahidin qohumlarının da adı var.

Bu barədə BakiPost.az-a Əfv Məsələləri üzrə Komissiyanın üzvü Əliməmməd Nuriyev məlumat verib. Bildirib ki, siyahıya 423 nəfərin adı daxil edilib.

Məlumat üçün bildirək ki, Qənimət Zahidin məhkumluq həyatı yaşayan qohumları Rüfət Zahidov və Rövşən Zahidovdur.

Qeyd edək ki, Prezident İlham Əliyev əfv sərəncamını bu gün imzalayıb. Lakin əfv olunan şəxslərin siyahısı hələ açıqlanmayıb.

Prezident İlham Əliyevin bu gün imzaladığı əfv sərəncamında ömürlük həbs cəzası almış 2 nəfərin cəza müddəti 15 ilə endirilib.

Əfv Komissiyasının üzvü Əliməmməd Nuriyev bakipost.az-a açıqlamasında deyib ki, bu şəxslərdən biri biri "Qara kəmər" əməliyyatı zamanı həbs edilmiş DİN-in Baş Cinayət-Axtarış İdarəsinin sabiq rəisi general Zakir Nəsirovdur.

Qeyd edək ki, Zakir Nəsirov 8 iyun 2005-ci il tarixində həbs edilib.

Emtv.az/Seymur Rəhimov