SON DƏQİQƏ

Emtv.az azvision.az-a istinadən bildirir ki, Rusiya prezidenti Vladimir Putin Serj Sarkisyanın rəhbərliyi altında Ermənistanın parlament seçkiləri və konstitusiya referendumu ilə bağlı "asan" olmayan mərhələni keçəcəyinə əmin olduğunu bəyan edib.

"Biz bilirik ki, görüşümüz Ermənistanda ölkədaxili mühüm hadisələr - aprelin 2-ə planlaşdırılan parlament seçkiləri ərəfəsində keçirilir. Bütün bunlar konstitusiya islahatları ilə bağlıdır. Proses asan deyil, lakin mən əminəm ki, Ermənistan sizin rəhbərliyiniz altında bu inkişaf mərhələsini keçəcək. Biz sizə uğurlar arzulayarıq", - deyə Putin vurğulayıb.

Öz növbəsində, Ermənistan prezidenti Serj Sarkisyan Moskvaya dəvətə görə Putinə təşəkkür edib və vurğulayıb ki, ölkələr arasında əməkdaşlıq durmadan inkişaf edir.

Moskvada Rusiya prezidenti Vladimir Putinin Ermənistan prezidenti Serj Sarkisyanla görüşü olub.

Emtv.az azvision.az-a istinadən xəbər verir ki, görüş zamanı ikitərəfli münasibətlərlə bağlı məsələlər müzakirə edilib.

Qeyd edək ki, daha əvvəl yayılan məlumatda bu gün baş tutacaq görüş zamanı siyasi, iqtisadi-ticarət və mədəni-humanitar sahələrdə ikitərəfli əməkdaşlığa dair əsas məsələlər, həmçinin Avrasiya məkanında qarşılıqlı fəaliyyət inteqrasiyasının inkişaf perspektivlərinin müzakirə olunacağı qeyd olunmuşdu.

Məlumata əsasən görüş zamanı Putin və Sarkisyan Dağlıq Qarabağ münaqişəsinin nizamlanması barədə fikir mübadiləsi aparılacağı da gözlənilir.

Emtv.az/L.Xubyarzadə