SON DƏQİQƏ

Bu gün Azərbaycan xalqına qarşı həyata keçirilən vəhşi terror aktı, insanlığa qarşı törədilmiş ən ağır cinayətlərdən biri kimi bəşər tarixinə qara hərflərlə yazılan 20 Yanvar hadisələrinin müəllifi olan Mixail Qorbaçovun 86 yaşı bitir. Son zamanlar ictimaiyyət arasında nadir hallarda görünən Qorbaçov indi harada və hansı vəsait hesabına yaşayır? Rusiya mətbuatı tarixin ən qara səhifəsinə imza atan, yüzlərlə insanın ölüm fərmanını verən Qorbaçovun gəlir mənbələrini müəyyən etməyə çalışıb.

Məlumdur ki, Qorbaçovdan sonra SSRİ kimi zəngin bir quruluş iri borc sahibi oldu. Onun hakimiyyəti zamanı qızıl ehtiyatı 10 dəfə azaldı, xarici borc isə 3 dəfəyə kimi artdı. 1990-cı illərdə ölkə iqtisadiyyatında olan oğurluqlar haqqında sənədlər yayıldı. Bunlarda qeyd edilirdi ki, Qorbaçov və onun yanın ətrafı SSRİ-nin qızıl ehtiyatının bir hissəsini ölkə xaricinə çıxarıb. Oğurlanan valyuta və qiymətli metalın dəyəri isə 11 milyard dollar qiymətləndirilirdi.

Lakin deyilənlər söz olaraq qaldı. O zaman heç kim - nə jurnalistlər, nə də müstəqil araşdırmaçılar "qızıl partiyasının" izinə düşə bilmədi.

Bu gün onun rəsmi gəlir mənbəyi kimi aldığı təqaüd göstərilir - 702 440 rubl (tərqibən 21 min manat). Lakin bu illər ərzində onun əlavə qazancı da kifayət qədər çox olub. 1990-cı ildə "Nobel" sülh mükafatına layiq görülüb (1 milyon dollara yaxın).

Bir il sonra o qeyri-kommersiya təşkilatı olan "Qorbaçov-fond"u yaratdı. Son zamanlara kimi əli yüzlərlə günahsız insanın qanına batan bu şəxs Rusiya və xarici universitetlərdə mühazirələr oxuyub. Qonorarı açıqlanmasa da, onların həcminin nə qədər olduğunu təxmin etmək çətin deyil.

Bir zamanların ən qüdrəti dövlətini idarə edən şəxsin hansı məntiqlə pizza və sairə reklamlara çəkildiyi aydın olmasa da, bunlar da ona böyük gəlir gətirib. Söhbət milyonlarla dollardan gedir.

2004-cü ildə o nüfuzlu musiqi mükafatı olan "Qremmi" də alıb. Qorbaçov musiqili nağıl "Petya və canavar", daha sonra onun davamı olan "Canavar və Petya"nın səsyazmasında iştirak edib. Onu nağılda müşayiət edənlər arasında Bill Klinton, Sofi Loren və Rusiya milli orkestri də olub.

Bundan başqa o filmlərdə rol alıb, bəzi layihələrdə münsif kimi iştirak edib. Təbii ki, müəyyən qonorar qarşılığında.

Bu qədər var-dövlətdən sonra M.Qorbaçoxun qayğısız həyat sürəcəyi gözlənilirdi. Amma bir necə gün öncə onun Almaniyadakı 17 otaqlı, 3 mərtəbəli, 600 kvadrat metrlik villasını satması xəbəri yayıldı. Ekspertlər bu villanın qiymətinin azı 7 milyon avro olduğunu deyirlər.

Milyonlarla dollar sərvəti olan SSRİ-nin eks rəhbərinin nə məqsədlə belə addım atması isə hamının marağına səbəb olub.

Emtv.az