SON DƏQİQƏ

Azərbaycan prezidenti bu gün idman ictimaiyyəti ilə görüşdə ölkəmizin idman təcrübəsi və imkanlarından bəhs edib

Yerli mətbuat xəbər verir ki, İlham Əliyev hansısa ölkənin idman tədbiri keçirməkdə çətinlik çəkdiyi zaman ölkəmizin bu məsuliyyəti üzərinə götürməyə həmişə hazır olduğunu bildirib:

“Biz artıq dünyada bir idman mərkəzi kimi tanınırıq. Eyni zamanda, bəzi hallarda hansısa səbəblər üzündən əgər bir ölkədə çempionat, dünya çempionatı keçirə bilmirlərsə, Bakıya müraciət edirlər, – bu yaxınlarda belə bir hal olub, – və biz çox operativ şəkildə, heç bir əlavə hazırlıq görmədən o çempionatı Azərbaycanda keçirə bilərik. Yəni, bu beynəlxalq idman qurumları, beynəlxalq federasiyalar üçün də artıq bir real faktdır, bunu bilirlər. Əgər hər hansı bir yerdə problem varsa, onlar bilirlər ki, bizə müraciət edə bilərlər və biz əlbəttə ki, istənilən yarışı qısa müddət ərzində ən yüksək səviyyədə keçirə bilərik. Bu, reallıqdır və bu reallığı biz özümüz yaratmışıq”
Emtv.az