17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
15:05 - QHT Qubada tədbir keçirdi
Qızını zəncirləyən ataya ÖMÜRLÜK HƏBS TƏLƏBİ
8 ildir atası tərəfindən əqli qüsurlu olduğuna görə İmişli rayonunda daxmada zəncirlənərək saxlanılan Pərvanə paytaxtda yerləşən 1 saylı psixonevroloji sosial xidmət müəssisəsinə yerləşdirilib. Müəssisə Əmək və Əhalinin Sosial Müdafiəsi Nazirliyinin tabeliyindədir.
Bu barədə Publika.az-a İmişli İcra Hakimiyyətindən məlumat verilib.
Ailə, Qadın və Uşaq Problemləri üzrə Dövlət Komitəsinin Hüquq şöbəsinin müdiri Taliyə İbrahimova Publika.az-a bildirib ki, artıq bu faktla bağlı İmişli rayon İcra hakimiyyətinə rəsmi müraciət edilib: “Komitə əməkdaşlarımız Pərvanə ilə görüşəcək. Əməkdaşlarımızın İmişli rayona ezam edilməsi planlaşdırılır. Faktla bağlı artıq cinayət işi açılıb. Bizdə olan məlumata görə, atasının əqli baxımdan xəstə olmağı ilə bağlı bizə məlumatlar daxil olub. Məlumata görə, atasının yaxın qohumları onu məsuliyyətdən azad etmək üçün bu üsula əl atmaq istəyib. Bu barədə hüquq mühafizə orqanlarına məlumat vermişik. Güman edirik ki, buna yol verilməyəcək. İcra Hakimiyyətindən bizə rəsmi cavab veriləndən sonra Pərvanə ilə bağlı bütün lazımı tədbirlər görüləcək. İcra hakimiyyətində məişət zorakılığı ilə bağlı Monitorinq qrupları da bu işlə məşğul olacaq”.
T.İbrahimova 8 il Pərvanənin yaşadığı bu həyata görə bir çox qurumun məsuliyyət daşıdığını dedi: “Bununla bağlı qonşular, icra nümayəndəliyi, sahə müvəkkilinin də xəbəri olub. Əslində elə bu faktlara yanaşmanı dəyişməliyik. Bir çox məmurlar bunu ailə məsələsi hesab edib müdaxilə etmirlər. Lakin bu cür yanaşmadan qurtulmaq lazımdır. Məişət zorakılığı ilə bağlı qanun qəbul olunub. Dərhal müdaxilə edilib, tədbir görülə bilərdi. Burada məsuliyyətsizlik var. Həmin şəxslər barədə də lazımı tədbir görülməlidir”.
Atasının məsuliyyətinə gəldikdə, T.İbrahimova yalnız fakt təsdiqini tapandan sonra onun məsuliyyəti barədə danışa bilərik.
Azərbaycan Uşaq Birliyinin sədri Kəmalə Ağazadə hesab edir ki, bunu ailənin məsuliyyətsizliyi və cahilliyinin qurbanıdır: “Bildiyim qədəriylə o qız çox aqressiv olduğuna görə atası zəncirləyib. Buna səbəb düzgün müalicə edilməməsidir. Əgər atasının həqiqətən qıza qarşı zorakılıq etməsi təsdiq edilərsə, o mütləq cinayət məsuliyyətinə cəlb edilməli və valideynlik hüququndan məhrum edilməlidir. Eyni zamanda dövlət qurumlarının da bu məsələdə üzərinə məsuliyyət düşür. Hər biri öz məsuliyyətini dərk etməlidir. Onlar məsuliyyətlərini dərk etmirsə, demək mexanizmlər zəifdir. Onları oyatmaq lazımdır”.
“Təmiz Dünya” Qadınlara yardım ictimai Birliyinin sədri Mehriban Zeynalova hesab edir ki, həmin qız psixoloji dəstək mütləqdir: “Atasının bu işdə məsuliyyəti təsdiq ediləndən sonra ona ağır cəza verilməlidir. O qızın bütün hüquqları məhdudlaşdırılıb, həmçinin ona işgəncələr verib. Belə insanlara 17 il həbs, ya da ömürlük cəza verilməlidir”.
Qeyd edək ki, hüquq mühafizə orqanlarından Pərvanənin atası ilə bağlı aparılan araşdırma və nəticəsinin olub-olmaması barədə məlumat ala bilmədik.