SON DƏQİQƏ

Qeyd edirik ki, Qol Güləşi üzrə XXIX Avropa Çempionatı 22-05-2019-cu il tarixində başa çatıb.

Emtv.az xəbər verir ki, Avropa Armrestlinq Federasiyasının vitse-prezidenti, Azərbaycan Qol Güləşi Federasiyasının prezidenti Cəsarət Əhmədovun rəhbərlik etdiyi Qol güləşi üzrə Milli yığma komandamız Yunanıstanın Lutraki şəhərində keçirilmiş XXIX Avropa çempionatında çıxışını uğurla başa vuraraq, mayın 24-də Vətənə dönmüşdür.

Sevindirici haldır ki, yarışların son günü də Milli yığmamız üçün uğurlu olub.

Belə ki, kişilər arasında (Senior Man), 75 kq çəki dərəcəsində, sağ qolda yarışlara qatılmış idmançımız Təbriz Səfərov 3-cü nəticə göstərərək, komandamızın aktivinə daha bir bürünc medal qazandırmışdır.

Beləliklə, Qol güləşi üzrə Azərbaycanın Milli yığma komandası XXIX Avropa çempionatından Vətənə 2-si bürünc, 2-si gümüş və 2-si qızıl olmaqla ümumilikdə 6 medalla qayıdır.

Qeyd edək ki, Avropa Armrestlinq Federasiyasının vitse-prezidenti, Azərbaycan Qol Güləşi Federasiyasının prezidenti Cəsarət Əhmədovun rəhbərliyi altında Avropa çempionatına yollanmış Milli yığma komandanın tərkibində cəmi 5 idmançı yer almışdı.

Buna görə də, komandamızın əldə etdiyi bu nəticəni kifayət qədər yüksək qiymətləndirmək olar.

Bir daha bu yüksək nailiyyət münasibətilə başda Cəsarət müəllim olmaqla, bütün idmançılarımızı ürəkdən təbrik edirik!

Nəzərinizə çatdırırıq ki, "Heydər Əliyev adına Beynəlxaq Hava Limanı"nda baş tutmuş qarşılama mərasimindən ölkənin aparıcı televiziya kanalları reportaj hazırlamışlar.

ATV kanalının efirində yayımlanmış reportajı sizlərə təqdim edirik.

Sevinc Əlimova
Emtv.az