SON DƏQİQƏ

16:07

Göygöl rayonunda baş verən ağır yol qəzasında ölən və yaralananların şəxsiyyəti məlum olub.

Emtv.az yerli mətbuata istinadən bildirir ki, baş verən hadisə nəticəsində "VAZ 2107" markalı avtomobildə olan - 1995-ci il təvəllüdlü Həsənov Eldəniz Gəray oğlu, onun 1 yaşlı qızı Həsənova Rübabə Eldəniz qızı, 1934-cü il təvəllüdlü Orucova Firəngiz Dəmir qızı, 1958-ci il təvəllüdlü Orucova Nahidə Qəzənfər qızı, "VAZ 21 06" markalı avtomobildə olan 1986-cı il təvəllüdlü Camalov Aslan Əbülfət oğlu, onun 3 yaşlı oğlu Camalov Hüseyn Aslan oğlu, 1949-cu il təvəllüdlü Bayramov Həmid Səməd oğlu, 1995-ci il təvəllüdlü Camalova Sevinc Mehman qızı aldığı xəsarətlərdən hadisə yerində dünyasını dəyişiblər. Həlak olanların hamısı Daşkəsən rayon sakinləridirlər.

Hadisə nəticəsində xəsarət alan Gəncə şəhər sakini, 1991-ci il təvəllüdlü Həsənova Ruhiyyə Ramiz qızı isə ağır vəziyyətdə xəstəxanaya yerləşdirilib.


14:32

Göygöldə baş verən yol nəqliyyat qəzası nəticəsində 8 nəfər dünyasını dəyişib.

Emtv.az xəbər verir ki, Səhiyyə Nazirliyinin mətbuat xidmətinin əməkdaşı Səfayə Əhmədova yerli mətbuata bildirib ki, onlardan 3-ü kişi, 3-ü qadın, 2-si isə uşaqdır.

Bir nəfər qadın isə Gəncə Şəhər Xəstəxanasının travmotologiya şöbəsinə yerləşdirilib. Onun vəziyyəti ağırdır.

Qeyd edək ki, qəza Gəncə-Daşkəsən avtomobil yolunun Göygöl rayonu ərazisindən keçən hissəsində, "VAZ-2106" və "VAZ-2107" markalı minik avtomobillərinin iştirakı ilə baş verib.

Faktla bağlı araşdırma aparılır.

14:09

Qəzada həlak olan 2 nəfərin şəxsiyyəti məlum olub.

Emtv.az yerli mətbuata istinadən xəbər verir ki, onlar "07"nin sürücüsü, 1995-ci il təvəllüdlü Eldəniz Gəray Oğlu Həsənov və 1986-cı il təvəllüdlü Aslan Əbülfəz oğlu Camalovdur.

Digər şəxslərin kimliyi də müəyyənləşdirilir.

13:39

Göygöldə ağır yol-nəqliyyat hadisəsi baş verib.

Emtv.az ONA-ya istinadən xəbər verir ki, hadisə Gəncə-Daşkəsən yolunda qeydə alınıb. "VAZ" markalı iki avtomobilin toqquşması nəticəsində 4 nəfər ölüb.

Faktla bağlı araşdırma aparılır.





Aysu Əliyeva
Emtv.az