17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
Fast-food və rəngli içkilərin ağır fəsadları
"Ən çox rast gəlinən xəstəliklərdən biri böyrək daşı problemidir.Gün ərzində təcili yardıma edilən müraciətlər arasında da böyrək daşı ağrıları xüsusi yer tutur. Çünki böyrək daşı ağrıları özfəaliyyət şəklində qəbul olunan ağrıkəsicilərə tabe olmayan ağrılardır".
Emtv.az xəbər verir ki,bunu urologiya üzrə mütəxəssis, Mərkəzi Kliniki Xəstəxananın Urologiya şöbəsinin müdiri Elbəyi Daşdəmirli deyib.
Elbəy Daşdəmirli böyrək daşlarının yaranma səbəbləri barədə danışarkən bunun konkret bir yox, bir çox faktorlarla bağlı olduğunu deyib.
Onun sözlərinə görə, böyrək daşlarının əmələ gəlməsinə səbəb olan əsas amillər gündəlik çox duz qəbulu, qida rasionunda qırmızı, qızardılmış ətə çox yer ayrılması və ən əsası suyun az qəbul olunmasıdır.
Mütəxəssis bildirib ki, böyrəklərdə daş varsa, ağrının nə zaman tutacağı bəlli deyil, bu, hər an təcili vəziyyət yarada biləcək bir haldır. Uzun müddət nəzarətsiz qalan böyrək daşları hətta böyrəklərin itirilməsinə də səbəb olur: "Daş varsa, öz-özünə düşməsi mümkün deyilsə, həkim tərəfindən xaric olunmalıdır. Əks halda gec-tez orqan üçün problem törədəcək".
Həkim onu da deyib ki, son zamanlar uşaq və yeniyetmələr arasında böyrək daşlarına rast gəlinməsi tezliyi artıb: "Biz düşünürük ki, bu, daha çox qızardılmış, fast-food qidalara, qazlı, rəngli içkilərə üstünlük verilməsi nəticəsində baş verir. Bu tip qidalardan uzaq durmaq, erkən yaşlardan başlayaraq gündəlik su içmə vərdişi ilə daş yaranma riskinin qarşısını almaq olar. Su qədər daşın yaranması, təkrar meydana gəlməsinin qarşısını ala bilən ikinci vasitə hələlik yoxdur. Su qəbulunu alışqanlıq səviyyəsində etmək lazımdır".
E.Daşdəmirli böyrəklərdə rast gəlinən onkoloji xəstəliklər barədə də danışıb. Uroloq deyib ki, şişlər böyrəklərdə daşdan sonra ən çox rast gəlinən problemdir və bu hallar ağrılarla müşahidə edilmir, çox zaman təsadüfü müayinə zamanı aşkarlanır: "Böyrəklərin onkoloji xəstəliklərində alternativ müalicə yox səviyyəsindədir. Demək olar ki, şüa və kimyəvi dərman müalicəsi olunmur. Bəsit cərrahi əməliyyatlarla böyrəyi qorumaq mümkündür. Amma bu, şişlər kiçik ölçüdə olanda, erkən dövrdə mümkündür".
Onun sözlərinə görə, ölçülər kiçikdirsə və böyüməyə meylli deyilsə xoş xassəli şişlərdə əməliyyata ehtiyac olmur.
Nəzrin Abbaszadə
Emtv.az