SON DƏQİQƏ

2 qadının 5 ailə üzvünü öldürməsi ilə bağlı polisə məlumat daxil olub.

Emtv.az nypost-a istinadən xəbər verir ki, ABŞ-ın Pensilvaniya ştatında ana ilə qızı yaşadıqları evdə 5 ailə üzvünü qətlə yetirib.

Polislər Filadelfiyadan 30 mil məsafədə yerləşən, Morrisvilldəki binanın mənzilindən 5 cəsəd tapıblar.

Cinayətkarların və qurbanlarının adı açıqlanıb. 5 nəfəri öldürən şəxslər 45 yaşlı Shana Decree və 19 yaşlı qızı Dominique Decree-dir. Qadın 19 yaşlı qızı ilə birləşərək digər qızını, oğlunu, bacısını və iki bacısı uşağını qətlə yetirib.

Cinayəti törədən ana və qız saxlanılıb.

Hadisənin səbəbi araşdırılır.

Qeyd edək ki, qadının 17 yaşlı oğlu sağdır. O, hadisə törədilən zaman evdə olmayıb və cinayətdə şübhəli hesab edilmir.

Nəzrin Abbaszadə
Emtv.az