SON DƏQİQƏ

Ana övladını evə gec gəldiyinə görə öldürüb.

Emtv.az yerli KİV-ə istinadən xəbər verir ki, qadın evə gec gələn qızını bu səbəbdən boğaraq öldürüb.

18 yaşlı Ayşe A. adlı qız Türkiyənin Van vilayətindəki Tusba qəsəbəsində klubda işə düzəlib. O, işdən gec gəldiyinə görə anası tərəfindən öldürülüb.

Qız ölümündən əvvəl yaxın rəfiqələrinə anasından çox qorxduğunu söyləyib. O bildirib ki, anası onun işdən gec çıxmasına qarşıdır.

Ayşenin anası özü polis idarəsinə gələrək təslim olub və qızını öldürdüyünü etiraf edib.

Polisin açıqlamasına görə, əlindəki açarları polisə uzadan qadın evin ünvanını söyləyərək "qızımı öldürdüm" deyib.

"Biz onun evə gec gəldiyinə görə mübahisəyə başladıq. Mübahisə zamanı əsəblərimə hakim ola bilmədim. Özümə gələndə gördüm ki, o, artıq ölüb", - qadın ifadəsində söyləyib.

Nəzrin Abbaszadə
Emtv.az