SON DƏQİQƏ

Qadın 3 yaşlı oğlunu öldürdükdən sonra intihar etməyə çalışıb.

EMTV.az yerli mətbuata istinadən xəbər verir ki, hadisə səhər saatlarında Zonquldağın Gökçəbəy ərazisində, 26 yaşlı Olcay A.-nın həyat yoldaşı, anası və atası ilə yaşadığı evdə baş verib. 25 yaşlı Gülverən A. restoranda ofisiant kimi işləyən həyat yoldaşını çörək almaq üçün göndərib. Daha sonra isə qadın 3 yaşlı oğlu Emir Canın yatdığı otağa gedib və otağın qapısını bağlayıb.

Uşağın səsini eşidən babası qapını açmağa çalışıb və oğluna zəng edib. Evə gələn qadının həyat yoldaşı da qapını aça bilməyib. Pəncərədən yataq otağına daxil olan Olcay oğlunu ölmüş vəziyyətdə, həyat yoldaşını isə biləkləri kəsilmiş halda tapıb. O, cəld təcili yardıma xəbər verib.

Həkimlər uşağın boğularaq öldürüldüyünü müəyyənləşdirib. Gülverən A. isə xəstəxanaya qaldırılıb. O, hal-hazırda müşahidə altındadır.

Aparılan araşdırma zamanı məlum olub ki, körpə telefonun enerji alətinin naqili ilə boğularaq öldürülüb.

Əlavə olaraq, istintaq zamanı məlum olub ki, 5 iyulda qadın həyat yoldaşı tərəfindən döyüldüyünü polisə bildirib. Buna görə də Olcaya evdən uzaqlaşdırılma cəzası verilib. Lakin qısa müddət ərzində cütlük barışıb və o, evə gəlib.

EMTV.az