SON DƏQİQƏ

Kanalın izləyiciləri tədbirə qatılanlar sırasında aşıq Müşfiq Əhməd oğlunu və gənc, istedadlı skripka ifaçısı Aydan Cabbarlını görəcəklər.

EMTV.az xəbər verir ki, sabah, dekabr ayının 27-də “EsmaMedia TV” internet kanalının studiyasında “Azərbaycanın Səsi” İctimai Birliyinin sədri məşədi Faiq Əhmədovun təşkilatçılığı ilə 31 dekabr Dünya Azərbaycanlılarının Həmrəyliyi Günü və Yeni il bayramı münasibətilə tədbir keçiriləcək. Hər zaman olduğu kimi, bu bayram tədbirinə də tanınmış ziyalılar, elm və mədəniyyət xadimləri, dövlət qurumlarının təmsilçiləri, ictimai birlik rəhbərləri, ictimaiyyət nümayəndələri iştirak edəcəklər. Bundan başqa tədbirə bir sıra tanınmış incəsənət xadimləri də qatılacaqlar. O cümlədən bayram tədbirində Azərbaycanın əməkdar artisti, xalqımızın sevimlisi, öz həzin səsi ilə milyonların sevgisini qazanmış ustad müğənni Baloğlan Əşrəfov da iştirak edəcək. Bundan başqa kanalın izləyiciləri tədbirə qatılanlar sırasında aşıq Müşfiq Əhməd oğlunu və gənc, istedadlı skripka ifaçısı Aydan Cabbarlını görəcəklər.

Həmçinin xəbər verilir ki, tədbirin gedişində Faiq Əhmədov ictimaiyyətə “EsmaMedia TV” internet kanalının yeni icraçı direktoru Qənirə Şəmmədqızını təqdim edəcək. Qeyd edək ki, Qənirə xanım “Qızıl səslər” verilişinin aparıcısı olmaqla yanaşı Azərbaycan teleməkanında yetərincə tanınmış, diktorluq sənəti sahəsində öz sözünü demiş və geniş tamaşaçı auditoriyasının rəğbətini qazana bilmiş peşəkar sənətkarlardandır.

Əziz dostlar, dekabr ayının 28-də “EsmaMedia TV” internet kanalında yayımlanacaq çəkilişi izləməyi unutmayın.

Hazırladı: Sevinc Əlimova,
Emtv.az