SON DƏQİQƏ

ABŞ prezidenti Donald Trampın nüvə müqaviləsindən çəkilmə qərarını açıqlamasının ardından ABŞ maliyyə nazirliyi İrana qarşı sanksiyaların 90 və 180 günlük iki mərhələylə yenidən tətbiq olunmağa başlayacağını bildirib.

Emtv.az xəbər verir ki, bu çərçivədə 90 günün ardından ilk sanksiyalar 7 avqustda dövrəyə girib. ABŞ maliyyə nazirliyinin verdiyi 180 günlük müddətin bitməsi ilə ikinci mərhələ sanksiyalar bu gün Azərbaycan saatı ilə saat 9:00-dan başlayır.

ABŞ maliyyə nazirliyinin məlumatına görə, 5 noyabrda başlayacaq sanksiyalar 6 maddədən ibarətdir.

Sanksiyalar əsasən, İranın liman operatorları, gəmiçilik və gəmi tikinti sahələrinə yönəlib.
Sanksiyalarının ikinci maddəsini isə neftlə bağlı əməliyyatlar təşkil edir. İran Milli Neft Şirkəti (NIOC) və Milli Tanker Şirkəti (NITC) kimi təşkilatları da əhatə edən sanksiyalar, İrandan neft, neft məhsulları və neft-kimya məhsullarının satın alınmasına məhdudiyyətlər qoyur.

Sanksiyaların digər hədəfində isə xarici maliyyə qurumlarının İran Mərkəzi Bankı ilə əməliyyatlar aparmasına qadağadır.

İrana qarşı sanksiyaların 5-ci və 6-ci maddələrində isə İran enerji sektoruna qarşı məhdudiyyətlər var.

Bundan başqa, sanksiyalar İran vətəndaşı olan 700 vəzifəli şəxsi və şirkəti də əhatə edəcək.

Aysu Aliyeva
Emtv.az

Paylaş: