SON DƏQİQƏ

Bakıda üç nəfərin ölümü ilə nəticələnən yanğın olub.

Emtv.az yerli KİV-ə istinadən xəbər verir ki, yanğın hadisəsi Nərimanov rayonunun Əliyar Əliyev küçəsi, 19 ünvanında baş verib.

Kafedə yanğın səhər saatlarında başlayıb. Hadisə şahidləri yanğın zamanı kafedə 3 nəfərin olduğunu bildiriblər. Gecə kafedə olan həmin 3 nəfər spirtli içkilər qəbul edibvə yatıblar. Hələlik blinməyən səbəbdən kafedə yanğın baş verib, otaqda olan 3 nəfər tüstüdən boğularaq ölüb. Hadisə şahidləri bildiriblər ki, ölənlərdən biri kafeni yeni icarəyə götürmüş şəxs, iki nəfər isə yaxınlıqda tikintidə işləyən fəhlələr olub.

Hadisə yerinə yanğınsöndürənlər və təcili yardım maşınları gəlib.

Baş verən yanğınla bağlı Fövqəladə Hallar Nazirliyi məlumat yayıb. Məlumatda bildirilir ki, Nərimanov rayonunda dördmərtəbəli yaşayış binasının zirzəmisində ümumi sahəsi 70 m² olan kafenin yanar konstruksiyaları 10 m² sahədə yanıb. Yanğının kəşfiyyatı zamanı tüstüdən boğulmuş 1989-cu il təvəllüdlü Əliyev Kərəm Əli oğlunun, 1982-ci il təvəllüdlü Əhmədov Bəhruz Fazil oğlunun və daha 1 nəfərin (şəxsiyyəti dəqiqləşdirilir) meyiti yanğınsöndürənlər tərəfindən aşkar edilib.

Kafenin qalan hissəsi yanğından mühafizə olunub

Aysu Aliyeva
Emtv.az

Paylaş: