SON DƏQİQƏ

Milli Məcliisn oktyabrın 30-da və noyabrın 2-də keçiriləcək iclaslarının gündəliyinə 57 məsələ daxil edilib.

Emtv.az xəbər verir ki, Milli Məclisin oktyabrın 30-da keçirilən iclasında deputatlar parlamentin komitə sədr müavinlərini seçəcək.

Bununla belə parlamentarilər “Diplomatik xidmətə verilən töhfəyə görə”, “Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi (1919-2019)” medallarının təsis edilməsini müzakirə edərək qəbul edəcəklər.

Deputatlar həmçinin “Təhsil haqqında” qanuna, Mülki Prosessual Məcəlləyə, Vergi Məcəlləsinə, Gömrük Məcəlləsinə, Mülki Məcəlləsinə, Cinayət Məcəlləsinə, İnzibati Xətalar Məcəlləsinə dəyişiklikləri müzakirə edəcəklər. Parlamentarilər “Banklar haqqında”, “ İpoteka haqqında”, “Lotereyalar haqqında”, İİnzibati icraat haqqında”, “Hüquqi şəxslərin dövlət qeydiyyatı və dövlət reyestri haqqında”, “Azərbaycan Respublikası vətəndaşının şəxsiyyət vəsiqəsi haqqında”, “Pasportlar haqqında”, “Bələdiyyələrin statusu haqqında”, “Bələdiyyələrin maliyyəsinin əsasları haqqında”, “Tütün məmulatlarının istifadəsinin məhdudlaşdırılması haqqında”, “Televiziya və radio yayımı haqqında”, “İctimai televiziya və radio yayımı haqqında”, qanunlara dəyişikliklər və “Uşaqların zərərli informasiyadan qorunması haqqında” və sair qanunlar müzakirə olunacaq.

İsmayil İsmayilov
Emtv.az