SON DƏQİQƏ

Cənubi Qafqaz ölkələrində səfərdə olan ABŞ prezidentinin milli təhlükəsizlik məsələləri üzrə müşaviri Con Bolton bu gün Gürcüstanda görüşlər keçirir.

Emtv.az xəbər verir ki, ABŞ prezidentinin müşaviri Bakıdan sonra İrəvana, oradan da Tiflisə səfər edib.

Tiflisdə səfərdə olan Bolton ilk olaraq xarici işlər naziri ilə görüşüb.

Bolton daha sonra baş nazirin müavini, daxili işlər naziri Georgiy Qaxariya və dövlət təhlükəsizlik xidmətinin rəhbəri Vaxtanq Qomelauri ilə bir araya gəlib.

Gürcüstan Daxili İşlər Nazirliyinin yaydığı məlumata görə, görüşdə Gürcüstanın təhlükəsizliyinə olan çağırışlar, regional təhdidlər və ikitərəfli əməkdaşlığın dərinləşdirilməsi məsələsi müzakirə edilib. Tərəflər iki ölkə arasında təhlükəsizlik sahəsində strateji əməkdaşlığın vacibliyini qeyd ediblər.

Görüşdə həmçinin Gürcüstanın təhlükəsizlik sektorundakı islahatları müzakirə predmeti olub. Bu məsələnin müzakirəsi zamanı milli təhlükəsizlik siyasətinin planlaşdırılması və effektli koordinasiya mexanizminin yaradılmasının zəruriliyinə xüsusi diqət yetirilib.

Tərəflər, eyni zamanda, təhlükəsizlik sahəsində siyasətin yürüdülməsi ilə bağlı strateji səviyyədə əlaqələndirici orqanın yaradılması məsələsinə də baxıblar.

Con Bolton Gürcüstan baş naziri Mamuka Baxtadze ilə də görüşəcək .

İsmayil İsmayilov
Emtv.az