SON DƏQİQƏ

“Hökumətin tez-tez dəyişməsi dolaşıqlığa gətirib çıxaracaq”.

Emtv.az yerli KİV-ə istinadən xəbər verir ki, bunu Ermənistanın sabiq prezidenti Robert Köçəryan “Ayoç aşxar” qəzetinə müsahibəsinə deyib.

Onun sözlərinə görə, ildə bir dəfə və ya iki dəfə hökumətin tərkibinin və yaxud nazirin dəyişməsi sonda ölkədə böhrana gətirib çıxaracaq.

“Çünki bu gün vəzifəyə təyin edilənlərin əksöəriyyətinin idarəetmə təcrübəsi yoxdur. Təcrübə toplamaq üçünsə vaxt lazımdır. Rəhbər struktura təyin olunan şəxs builməlidir ki, biz haradayıq, nə etməliyik?”-Köçəryan qeyd edib.

Onun fikrincə, belə olan halda isə hakimiyyətin effektli idarəolunmasından danışmağa dəyməz: “O baxımdan da ciddi problemlərin olduğunu görürəm”.

Köçəryan əlavə edib ki, bundan başqa da problemlər olacaq. “Yeni parlament seçkiləri keçiriləcək və mənim düşüncəmə görə, bu parlament təcrübəsiz qaniunverici hakimiyyət olacaq. Təcrübəsizdirlər. Onlara zaman lazımdır ki, qərarların qəbul edilmə texnologiyasını öyrənsinlər”.

Bölgədə vəziyyətin əvvəlki illərlə müqayisədə daha mürəkkəb olduğunu qeyd edən Köçəryan bildirib ki, hakimiyyət praktik siyasət yürüdərək, gepolitik çağrışlara uyğun addımlar atmalıdır.

“Bölgədə vəziyyət olduqca mürəkkəb və gərgindir. O zaman Türkiyənin yürütdüyü siyasəti qiymətləndirmək daha asan idi. Ankara Avropa İttifaqının üzvü olmağa çalışırdı. ABŞ-la İran arasında münasibət gərgin olsa da, indiki kimi deyildi. Bundan əlavə, Suriya faktorunu unutmaq lazım deyil. Odur ki, bölgədə yeni faktorlar meydana gəlib ki, bu da vəziyyəti daha da gərginləşdirib. Bütün bunlar isə Qərblə Rusiyanın güc mərkəzlərinin qlobal qarşıdruması fonunda baş verir. O baxımdan da bu gün komplementar siyasət yürütmək daha da mürəkkəbləşib. Ən azından ona görə ki, manevr imkanları xeyli daralıb. Ona görə də indi daha çox diplomatik ustalığa ehtiyac var. Ortaq nöqtə tapıb, öz rolunu oynamağı bacarmalısan. Paşinyan hakimiyyətinin belə bir oyun qurmaq üçün qabliyyəti var ya yox, deyə bilmərəm”- Köçəryan bildirib.

İsmayil İsmayilov
Emtv.az